Jose Goikoa

Jose Goikoa Barkaiztegi (Donostia, Gipuzkoa, 1844ko apirilaren 10a - ib., 1911ko uztailaren 9a) arkitektoa izan zen. Madrilen egin zituen arkitektura-ikasketak. Donostiako udal-arkitektoaren laguntzaile izendatu zuten 1870ean, eta 1897an berak eskuratu zuen kargu hura. Liberala zen eta Donostiako defentsarako obrez arduratu zen Hirugarren Karlistaldian. Donostiako udal-arkitektoa izan zen bitartean proiektu ugariren zuzendari izan zen, Gros eta Amara Zaharreko zabalguneak tarteko.

Haren obra nagusiak Donostian daude:

• Polloeko hilerria (1876-1878)
• Gipuzkoako Aldundiaren jauregia (1879)
• San Martin merkatua (1882)
• Goikoa jauregia (1888-1891)
• Miramar jauregiaren obra-zuzendaritza (1889-1893)
• San Inazio eliza (1892)
• Uliako Buskando ur-biltegia (1894). Estaltze-lanak Marcelo Sarasola-k egin zituen 1899an.
• Moneda baserria berdiseinatzea
• Artzain Onaren katedralaren inguruko etxebizitza-eraikinen hiri-proiektua (1895)
• Bretxako merkatuaren handipena (1898)
• Donostiako ekialdeko zabalguneko Zuloaga eskola (1901)
• Kontxako pasealekua eta Antiguako tunela.
• Usurbilgo udaletxea, eskola eta eliza.

Erreformak:

• Continental hotela (Donostia) zenaren erreforma.