Quick Facts
TaurusBiography
Jorge Ibor y Casamayor (Zaragoza, 22 d'abril de 1755 - Zaragoza, 15 de noviembre de 1808) más conoixito como Tío Jorge, naixito de Zaragoza, estió un labrador d'o vico zaragozano d'o Rabal y un d'os heroicos esfensors d'a ciudat en o Primer Setio de Zaragoza, escayecito mientres a Guerra d'o Francés. Yera conoixito en o vico con a embotada de "cuellocorto", ya que teneba la capeza una mica gran y yera cerenyo y d'altaria meyana.
Estió un d'os más activos en o devantamiento popular contra as tropas de Joachim Murat, estando amás capitoste d'os ciudadans que fuoron a demandar armas a Jorge Juan Guillelmi y lo detenioron. Ya en as vispras d'os devantamientos d'a ciudat heba formato una companyía de labradors y escopetaires en o Rabal chunto a los suyos fillos Pablo y Juan y Mariano Lucas Aced "Tío Lucas" que yera amigo d'ell.
Chunto con a suya companyía y os chirmans Manuel Cerezo y Mariano Cerezo facioron que Palafox fuese nombrato lo maximo reponsable d'a ciudat, asinas que participó con iste en os combates d'Alagón, Epila y Casablanca. Por l'aduya en os setios, Palafox lo nombró capitán y poco dimpués tenient cheneral.
Morió por la epidemia de tifus que bi habió en a ciudat o día 15 de noviembre de 1808 y que fació que a la fin a ciudat hese de reblar. L'apedecoron en o pantión d'a casa d'os marqueses de Lazán por orden d'o cheneral Palafox.
En o 100 cabo d'anyo d'a suya muerte a ciudat le adedicó una placa en a casa a on que naixió en o Rabal que diz:
E cinquanta anyadas dimpués o concello le dió lo nombre de Parque d'o Tío Jorge a lo parque que se troba a lo norte d'o Rabal como homenache a Jorge Ibor.
Vinclos externos
