Quick Facts
Biography
Johann Gabriel Jochmus (* 9. September 1725 in Celle; † 10. April 1774 in Hilmssen) weer en düütschen Verwaltungsbeamten.
Jochmus is 1725 as Söhn von Anna Dorothea, borene Vogt (26. Februar 1690–13. November 1750), un den Koopmann Gabriel Jochmus (14. Februar 1687–19. Oktober 1757) in Celle boren. He hett sik an’n 27. April 1746 as Student von de Juristeree an de Universität Göttingen inschreven. Na dat Studium is he in’n hannöverschen Verwaltungsdeenst gahn.
1757 is he as Amtsauditer von dat Amt Winsen as Amtsschriever in dat Amt Münnen wesselt. He weer von 1762 bet 1767 Amtsschriever von dat Amt Neehuus un von 1767 bet to sien Dood 1775 Amtmann von dat Amt Langenhagen.
Jochmus hett an’n 29. November 1761 in Hilmssen Magdalena Rosina Weinhagen (1735–19. Februar 1802) freet. De beiden harrn de Kinner Marie Dorothee Wilhelmine (26. Dezember 1762–5. August 1787), Philipp Wilhelm (1. Juni 1765–20. Januar 1847), Johann Georg Friedrich (25. November 1772–12. September 1846) un Rosine Elisabeth. 1774 is Jochmus in Hilmssen doodbleven un in Langenhagen begraven worrn.