Quick Facts
Biography
Johan Dargeman (* 1659 in Stockholm; 1739 ok dor) weer en sweedschen Verwaltungsbeamten.
Dargemann is 1659 as Söhn von Georg Dargeman in Stockholm boren. He hett 1676 bi de Landskanzlie in Malmö anfungen un is 1680 Sekretär bi dat Seetollamt in Stockholm worrn. He is 1686 Inspekter för den Seetoll un de Akzies in Brunshusen worrn un weer von 1690 bet 1693 Amtmann von dat Amt Harsfeld.
An’n 26. Februar 1692 is he Landrentmeester in Bremen-Veern worrn. An’n 15. März 1692 is he op Manderstierna in’n sweedschen Adelsstand haven worrn.
An’n 3. Oktober 1695 hett Dargeman dat Good Hjalmarsberg in dat Kaspel Almby köfft. Dat hett he aver al an’n 6. April 1699 wedder verköfft an Nils Stromberg.
He hett an’n 27. Dezember 1684 op Beckershov in dat Kaspel Östra Vingåker Gunilla Beckerfelt freet. De beiden hebbt de Kinner Göran (1685-1758), Johanna un Johan (~1690-1758) hatt.