Quick Facts
Biography
Jobst Heinrich Voigt (* 28. Oktober 1650 op Slott Ricklingen; † 16. April 1725 in Arzen) weer en düütschen Verwaltungsbeamten.
Voigt is 1650 as Söhn von Maria Catharina, borene Brauns (22. September 1619–5. März 1683), un den Amtmann Jacobus Voigt (15. November 1600–4. Juli 1681) boren. Sien Broder weer Johann Georg Voigt. 1670 is he op de Universität Helmstidde gahn un hett Juristeree studeert.
He weer von 1689 bet to sien Dood 1725 Amtmann von dat Amt Arzen.
1706 hett Voigt de Vörwarken Schöönoort, Pompdamm un Halvmaand un 1708 dat Good Noordholt in dat Wuster Neefeld köfft.
He hett an’n 7. September 1680 in Hameln Anna Ilse Reiche (14. Juli 1661–10. September 1715; Dochter von’n Hamelner Börgermeester Johann Gerhard Reiche) freet. De beiden harrn de Kinner Georg Christof (* üm 1683), Otto Ludwig (11. März 1685–26. April 1736; Amtmann), Clara Dorothea (23. November 1687–30. Januar 1726; hett Anton Ludwig Bobers freet), Jakob Heinrich (4. Januar 1690–1753; Amtmann), August Friedrich (26. Juni 1692–9. September 1742; Amtmann) un Johann Gerhard (8. Mai 1698–16. September 1754).