Quick Facts
Biography
| Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
D'Joanne Goebbels, 1979 gebuer, ass eng lëtzebuergesch Literaturwëssenschaftlerin a Professesch.
Studium
No hirer Première am Stater Kolléisch 1998 huet d'Joanne Goebbels vun 1999 bis 2004 op der Sorbonne studéiert an eng Maîtrise a Literaturwëssenschaft an en Diplôme d'études approfondies en littérature comparée – spécialisation littérature francophone gemaach.
Berufflech Karriär
Si ass Franséischprofessesch an zanter 2018 Sousdirektesch am Stater Kolléisch.
D'Joanne Goebbels ass Vizepresidentin vun der LSAP-Sektioun vun der Stad Lëtzebuerg (Stand 2020).
Si gouf de 24. Abrëll 2020 vum Regierungsrot als Nofollgerin vun der Monique Kieffer op d'Plaz vum Direkter vun der Nationalbibliothéik proposéiert. Nodeems eng gewësse Kontrovers géint hir Nominatioun entstane war, huet si hir Kandidatur zeréckgezunn an de Regierungsrot huet de Claude D. Conter doropshin dem Grand-Duc als Direkter vun der Nationalbibliothéik proposéiert.
Si ass d'Duechter vum Robert Goebbels.