Quick Facts
Biography
Chuan Ferrández d'Íxar y Centelles l'orador estió o seiseno senyor d'Íxar, entre os anyos 1400 y 1456. Estió erudito y teneba facilidat de parabra. Baixo o suyo mandato s'escribió un "cancionero", compilación de romances. A lo prencipio yera partidario de Chaime d'Urchel, pero dimpués colaboró con Ferrando I d'Aragón. Estió embaixador, consellero y mayordombre d'Alifonso V lo Magnanimo.
Estió embaixador d'o rei a man d'o emperador Sechismundo y d'o Concilio de Gostanza en 1414. En 1415 o rei li demanda que retorne de Gostanza pa que lo informase y li acomanda que chestione a entrevista de Sechismundo y d'o papa Benedet XIII.
O 28 de marzo de 1420 Chuan Ferrández d'Íxar y Centelles y cinco consellers obligan a renunciar a lo chusticia Chuan Ximénez Cerdán y ye nombrato don Berenguer de Bardaxí.
En l'anyo 1421 manda en cabo o exercito d'Aragón en a campanya d'Italia reducindo a rechión de Calabria y conquerindo Nicastro y Melito. Fue nombrato visorrei y duque de Calabria.
O 19 de noviembre de 1428 acompanya a lo rei a las Cortz de Teruel y ye nombrato deputato.
O Magnanimo li donó Binazeit y en 1431 li cedió Lecera por compra. En l'anyo 1432 Alifonso V li vendió a part de Belchit que no li pertanyeba por 16.000 florins. En o suyo mandato a casa d'Íxar esdevinió una d'as casas nobles més importants d'Aragón.
En o suyo testamento mostraba satisfacción por os suyos logros:
| Predecesor: Alifonso Ferrández d'Íxar y Mexías | Sinyor d'Íxar 1400-1456 | Succesor: Chuan II Ferrández d'Íxar y Cabrera |
Bibliografía
- (es) Demelsa Ortiz Cruz: El señorío, luego ducado de Híjar. Cuadernos del Ducado de Híjar 1: El Legado cultural. 2008. Archivo Ducal de Híjar
- (es) Mariano Laborda: Recuerdos de Híjar. Editato por lo Centro de Iniciativas Turísticas del Cuadro Artístico de Híjar, 1980.