Jean Goedert

De Jean (genannt Jängi) Goedert, gebuer den 23. Januar 1926 zu Konsdref a gestuerwen de 4. Abrëll 2019 zu Lëtzebuerg, war e lëtzebuergeschen Urolog an CSV-Politiker.

• 1932-1939: Primärschoul zu Konsdref,
• 1939-1946: Iechternacher Kolléisch (mat Ënnerbriechung wéinst dem Krich),
• 1946-1947: Cours supérieurs zu Lëtzebuerg,
• 1947-1954: Medezinsstudien zu Stroossbuerg a Paräis,
• 1954-1958: Spezialisatioun an der Chirurgie an an der Urologie zu Bonn an zu Homburg (Saar).

• Berufflech
  • Urolog an der Elisabetherinnen-Klinik zu Lëtzebuerg,
  • Medezineschen Direkter vun der Elisabetherinnen-Klinik.

Den Dokter Goedert war staark beim Bau vum Centre hospitalier engagéiert an huet gehollef de SAMU-Déngscht fir d'Stad Lëtzebuerg an d'Häerzchirurgie an der Elisabetherinnen-Klinik opzebauen.

• Politesch
  • 1964-1978: Member vum Gemengerot vun der Stad Lëtzebuerg,
  • 1978-1999: Schäffe vun der Stad Lëtzebuerg, zoustänneg fir den Urbanismus an de soziale Wunnengsbau,
  • 1979-1989: Deputéierten (zanterhier Éierendeputéierten),
  • 1995-1999: Vizepresident a President vun der EuRegio SaarLorLux.

De Jean Goedert huet vill derzou bäigedroe fir d'Quartiere Pafendall a Gronn ze restauréieren an nees opzebauen a fir d'Foussgängerzon an der Uewerstad anzeféieren.

• Aner Funktiounen
  • 1966-1991: President, duerno Éierepresident vum Sang & Klang Pafendall,
  • 1968-2004: President vum fréiere Syndicat d'initiative et de tourisme vu Lëtzebuerg, dem haitege Luxembourg City Tourist Office (LCTO),
  • 1973-2018 Member vum Verwaltungsrot an 1978-2009 President vun der Ligue médico-sociale (virdrun: Ligue luxembourgeoise contre la tuberculose),
  • 1964-??: President vun der Chorale: Le Madrigal de Luxembourg (duerno Éierepresident),
  • Member vum Verwaltungsrot vun der Action LIONS Vaincre le Cancer.

• Grand-Officier vum Ordre de Mérite du Grand-Duché de Luxembourg (Promotioun 1996)
• Héich Auszeechnungen vun der Belsch, Däitschland, Holland, Portugal a Spuenien

1. ↑ Dr. Jean Goedert ist verstorben op wort.lu den 9. Abrëll 2019
2. ↑ Dr. Jean Goedert verstorben. Luxemburger Wort vum 10. Abrëll 2019, S. 25
3. ↑ Société royale grand-ducale Sang & Klang Pafendall 1857-2007. Editioun Sang a Klang Pafendall. Dréckerei Victor Buck, S. 28.
4. ↑ Doudesannonce am Luxemburger Wort vum 13. Abrëll 2019
5. ↑ Le Conseil d'Administration op ligue.lu, fir d'lescht gekuckt den 9. Abrëll 2019
6. ↑ Le comité d'administration op madrigal.lu, fir d'lescht gekuckt den 9. Abrëll 2019
7. ↑ Memorial B n° 50 vun 1996 mat der Lëscht vun de Leit déi 1996 eng national Auszeechnung kritt hunn