Quick Facts
LeoBiography
Ջեյմս Արմենակի Գյոզալյան (հուլիսի 25, 1925(1925-07-25), Լենինական, Հայկական ԽՍՀ, ԱԽՖՍՀ, ԽՍՀՄ - 1987, Երևան, Հայկական ԽՍՀ, ԽՍՀՄ), հայ կոմպոզիտոր, խմբավար։
Կենսագրություն
Ջեյմս Գյոզալյանը ծնվել է 1925 թվականի հուլիսի 25-ին, Գյումրիում։
1944 թվականին ավարտել է Գյումրու պետական մանկավարժական ինստիտուտը, ապա կրթություն է ստացել Գյումրու Կարա-Մուրզայի անվան պետական երաժշտական քոլեջում, իսկ 1944-1946 թվականներին՝ Երևանի Ռ. Մելիքյանի անվան երաժշտական ուսումնարաններում։ 1951 թվականին ավարտել է Երևանի Կոմիտասի անվան պետական կոնսերվատորիայի խմբավարության բաժինը։ 1952-1953 թվականներին կատարելագործվել Մոսկվայում։ 1953-1961 թվականներին եղել է Հայկական Ժողովրդական Երգի-Պարի Համույթի դիրիժոր-խմբավար։ 1961-1987 թվականներին դասավանդել է Երևանի Կոմիտասի անվան պետական կոնսերվատորիայում։
1967 թվականին ստացել է Հայկական ԽՍՀ արվեստի վաստակավոր գործչի կոչումը։
Հեղինակ է երգերի և խմբերգերի։
Մահացել է 1987 թվականին, Երևանում։