Jakub Skala

Narowny pomnik Jakuba Skale na Mikławšku

Narodźi so jako syn Chróšćanskeho krawca a wopyta katolski wučerski seminar w Budyšinje. Wot 1865 bě chowanc Serbskeho seminara w Praze, hdźež pozdźišo tež teologiju studowaše. Připódla so wosebje ze słowjanskimi rěčnymi a kulturnymi slědźenjemi zaběraše, bě pjeć lět ze staršim Serbowki a dopisowaše do jeje časopisa Kwětki. Po měšniskej swjećizny 1876 bu z kapłanom w Radworju (1876–81) a Budyšinje (1881–91), 1891 z fararjom w měsće, 1898 šolastikar a 1905 senior kapitla. Nadźija serbstwa bě wulka, zo Skala so z prěnim biskopom nowowutworjeneho Mišnjanskeho biskopstwa sta, ale tomu tak njebě. Wón bě wot lěta 1882 do 1903 redaktor Katolskeho Posoła, wot 1905 do 1923 městopředsyda Maćicy Serbskeje a 1923–25 jeje předsyda. Nimo toho wuda wón dwójce, 1900 a 1909 serbski Wosadnik a přez wósom lět protyku Krajan.

Jakub Skala bu na Budyskim Mikławšku pochowany.

• Martin Salowski, Rudolf Kilank, Peter Schmidt: Katholische sorbische Lausitz. St. Benno-Verlag, Leipzig 1976, str. 105. (něm.)