Ivan Toropov

Шаблон:Серпасыс абу

Торопов Иван Григорьевич (комиӧн Гриш Вань, 1928—-2011 во) — Коми Республикаса нимйӧза гижысь, Коми Республикаса культураын нимöдана уджалысь, Иван Куратов нима канму премиа босьтысь.

• 1928, моз тӧлысь 27 лун — чужис Коми (Зыряна) асвеськӧдлан обласьтса Койгорт сикт улӧ пырысь Гурган грездын (ӧні Койгорт сикт юкӧн). Батьыс, Григорий Кириллович, пуктiс ловсö фронт вылын.
• 1942 — сизим вося школа помалöм бöрын ковмылiс вунöдлыны велöдчöм йылысь. Ковмис отсавны мамлы ичöт вокъяссö да чойсö кок йылö сувтöдöмын. 1945 воын кувсьö и мамыс. Иван Григорьевич уджалö колхозын, лесопунктын, кылöдö пуръяс Сыктыв ютi.
• 1953 — армияысь воöм бöрын уджалö Коми АССР-са радиокомитетын корреспондентöн да редакторöн.
• 1964—1969 — велöдчö А.М. Горький нима Литературнöй институтын уджысь орӧдчытӧг. 1966 восянь уджаліс литсотрудникӧн да редакторӧн «Войвыв кодзув» журналын.
• 2011 во, косму тӧлысь 21 — Иван Торопов кувсис.

Иван Торопов босьтчис гижны очеркъяс, кодъяс петавлісны «Войвыв кодзув» журналын. «Кыв кӧ сетін» медводдза висьтсӧ И. Торопов йӧзӧдіс 1959 воын. Сэсся чужисны «Бригадир да сылӧн тӧварышъяс», «Майя» (1959). Регыдӧн петіс «Ми — войвывсаяс» висьт чукӧр. 1962 воö «Войвыв кодзув» журналын петö «Ныв локтiс пармаö» повесьт, шöр геройöн лоö Галя Горицвет. Ассьыс олöмсö Гижысь петкöдлö автобиографическöй гижöдъясын: «Шуриклы шыд», «Проса рок» (1966), «Воклы дозмöр» (1967), «Кöнi тэ, кар?» (1967), «Регыд дас квайт» (1971). Танi петкöдчö Тороповлöн гижöдъясын меднималана герой - Федя Мелехин.

Гижöдъясас петкöдлöма тшыг война кад да зонкалöн быдмöм-сöвмöм. Бура петкöдлöма, кутшöм мöвпъяс пырöны сылöн юрас, кыдзи сiйö венö олöмысь став сьöкыдлунсö.

1970 воö «Войвыв кодзув» журнал йöзöдö «Чужин кö тэ мортöн» романлысь медводдза юкöн, а 1974 воын романыс петö торъя небöгöн. 1972 воö петö «Но-о, биа бордаяс!» повесьт, кöнi петкöдчö быдмöм Федя Мелехин.

Иван Григорьевич гижöдъясын тыдовтчöны экологическöй проблемаяс: «Арся сьыланкыв» повесьт (1973), «Дозмöр койт» пьеса (1974). 1975 воын петö «Тiянлы водзö овны» повесьт, критикъяс вылö донъялiсны гижöдсö. 1977 воын петö «Видза колян, мушкетер!» повесьт, кодi помалö мелехин циклсö.

Иван Торопов гижліс сідзжӧ кывбуръяс, пьеса («Дозмӧр койт»).

Комиӧн

• Ныв локтiс пармаӧ. 1964
• Проса рок. 1966
• Шуриклы шыд. 1967
• Юяс да сьӧлӧмъяс: повестьяс / Ред. В. Морозов; серпасалiс С.А. Добряков. – Сыктывкар: Коми кн. изд-во, 1969. – 185 л.б.
• Регыд дас квайт. 1971
• Тiянлы водзö овны. 1975
• Тіянлы водзӧ овны: висьтъяс, повестьяс / Ред. Т.Н. Чукичева; серпасалic А.В. Мошев. – Сыктывкар: Коми кн. изд-во, 1980. – 623 л.б.
• Ӧтувтӧм гижӧдъяс. Т. 1. — Висьтъяс, повесьтъяс, кывбуръяс / Ред. А.В. Тентюков; Серпасаліс Г.Н. Шарипков. — Сыктывкар: Коми небӧг лэдзанін, 2003. — 736 л.б.
• Ӧтувтӧм гижӧдъяс. Т. 2. — Повесьтъяс, роман / Ред. А.В. Тентюков; Серпасаліс Г.Н. Шарипков. — Сыктывкар: Коми небӧг лэдзанін, 2003. — 736 л.б.
• Ӧтувтӧм гижӧдъяс. Т. 3. — Повесьтъяс, пьеса, роман-хроника / Ред. А.В. Тентюков; Серпасаліс В.Б. Осипов. — Сыктывкар: Коми небӧг лэдзанін, 2003. — 688 л.б.

Роч кыв вылӧ вуджӧдӧмӧн

• Где ты, город? 1972
• Вам жить дальше: рассказы и повести / перевод с коми Станислава Панкратова. – Москва: Современник, 1981. – 527 с.

• Куратов нима Коми АССР-са канму премиа (1972) «Регыд дас квайт» гижöдысь.
• «Почёт пас» орден (1976)
• Коми АССР-са культураын нимӧдана уджалысь (1978)
• Войтыръяслӧн Ёрталун орден (1988)
• А.М. Горький нима РСФСР-са канму премиа (1984)
• Коми Республикаса нимйӧза гижысь (1995)
• Ёртасян орден (2004)
• IV тшупӧда «Айму водзын бур уджысь» орденлӧн медаль ((2010)
• «1941-1945 воясӧ Айму вӧсна Ыджыд тыш дырйи бур уджысь» медаль.

• 2006 воын Койгорт районса Гурган грездын вöлi восьтöма «И.Г. Торопов нима керка-музей».

• История Коми литературы: В 3-х т. Т. 3 / Под ред. А.Е. Ванеева, В.И. Мартынова. Сыктывкар, 1981. С. 277-294.
• И. Г. Тороповлӧн библиография коми онлайн тӧданінын
• И. Г. Тороповлӧн гижӧдъяс коми онлайн небӧгаинын
• Коми Республикаса Национальнӧй библиотека
• http://foto11.com/komi/writer/itoropov.php
• Моя малая Родина