Quick Facts
Taurus
Biography
Ildikó Seres [ŝereŝ], laŭ hungarlingve kutima sinsekvo Seres Ildikó estis hungara aktoro, primadono, reĝisoro, operkantisto, operetkantisto, muzikalkantisto, instruisto.
Ildikó Seres [1] naskiĝis la 26-an de aprilo 1962 en Székesfehérvár.
Biografio
Ildikó Seres lernis muzikojn jam en muzika bazlernejo, poste en mezlernejo en sia naskiĝurbo. Ŝi akiris kantistan diplomon en Pedagogia Altlernejo en Győr en 1983, poste ŝi aliĝis al trupo de Teatro Kisfaludy. Inter 1988 kaj 1992 ŝi apartenis al Teatro de Kecskemét, poste al Nacia Teatro (Miskolc). Inter 2002-2004 ŝi havis rolojn ankaŭ en Operetoteatro (Budapeŝto). Kun trupoj ŝi faris turneojn ekzemple en Usono, Kanado, Ĉinio, Japanio, Nederlando, Belgio, Germanio, Italio. Inter 1993-2000 ŝi instruis en studio de Nacia Teatro en Miskolc, baldaŭ en gimnazio en la sama urbo. Ŝi akiris plian diplomon en Universitato de Dramo kaj Filmo (Budapeŝto) en 2004.
Ŝi havas rolojn ne nur en prozoj, sed ankaŭ en operoj, operetoj, muzikaloj. Ŝi ricevis plurajn teatrajn premiojn ekde 1996. Ŝi dufoje eksedziniĝis, ŝi naskis filinon en 1996.
Elektitaj teatraj roloj
- William Shakespeare:
- Hamleto - reĝino Gertrud (en Miskolc)
- Henriko la 4-a - S-ino Sürge (en Miskolc)
- Friedrich Dürrenmatt: La fizikistoj - flegistino Monika (en Kecskemét)
- Imre Kálmán:Csárdáskirálynő - Szilvia (en Kecskemét kaj Miskolc); - Cecília (en Miskolc)
- Leonard Bernstein: West Side Story - Anita (en Miskolc)
- Andrew Lloyd Webber - Tim Rice: Jesus Christ Superstar - Mario Magdaleno (en Miskolc)
- Pietro Mascagni: Cavalleria Rusticana - Lola (en Győr)
- Georges Bizet: Carmen - Frasquita (en Győr); - Mercédes (en Miskolc)
Elektitaj reĝisoraĵoj
- Imre Madách: La tragedio de l' homo (2006 en Miskolc)
- Neil Simon-Marvin Hamlisch: Édeskettes hármasban (2016 en Miskolc)