Hrant Tovmasyan

Վիքիպեդիայում կան հոդվածներ Թովմասյան ազգանունով այլ մարդկանց մասին։

Հրանտ Մուշեղի Թովմասյան (հունիսի 3, 1929(1929-06-03), Երևան, Հայկական ԽՍՀ, ԱԽՖՍՀ, ԽՍՀՄ - մարտի 28, 2022(2022-03-28)), հայ խորհրդային աստղագետ։ Ֆիզմաթ գիտությունների դոկտոր (1970), պրոֆեսոր (1984)։

Ավարտել է Երևանի պետական համալսարանը 1953 թվականին։ 1953 թվականից աշխատում է Բյուրականի աստղադիտարանում, իսկ 1967 թվականից՝ նաև Երևանի պետական համալսարանում։ 1992 թվականից եղել է Մեքսիկայի աստղաֆիզիկայի, օպտիկայի և էլեկտրոնիկայի ինստիտուտի (INAOE, Պուեբլա) աշխատակից։ Հետազոտել է նորմալ գալակտիկաների կորիզների ակտիվության, գալակտիկաների կույտերի և աստղակույտերի հետ կապված գազային ամպերի ռադիոճառագայթման հարցերը, հայտնաբերել բռնկվող աստղերի գերկարճ բռնկումները։ Մասնակցել է «Աստրոն» տիեզերական աստղադիտակի ստեղծմանը, ղեկավարել «Գլազար» աստղադիտակի ստեղծման աշխատանքները։ Հեղինակ է «Ռադիոաստղագիտություն» (1976) ուսումնական ձեռնարկի։ Աշխատանքները վերաբերում են ռադիոաստղագիտության հարցերին։ ԽՄԿԿ անդամ 1952 թվականից (ինքնակամ լքել է 1988-ին)։

• ՀԽՍՀ պետական մրցանակ (1985)։

• Գալակտիկաներ։ Համբարձումյան Վիկտոր Համազասպի, Թովմասյան Հրանտ Մուշեղի, Գրիգորյան Ռ. Ղ., Երևան, «Հայաստան», 1966։
• Աստղագիտություն։ Ձեռնարկ միջնակարգ դպրոցների 10-րդ դասարանի համար, Առաքելյան Մարատ Արսենի, Թովմասյան Հրանտ Մուշեղի, Միրզոյան Լյուդվիգ Վասիլի, Համբարձումյան Վիկտոր Համազասպի, Երևան, «Լույս», 1970։
• Աստղագիտություն։ Ձեռնարկ միջն. դպր. 10-րդ դաս. համար, Առաքելյան Մարատ Արսենի, Թովմասյան Հրանտ Մուշեղի, Միրզոյան Լյուդվիգ Վասիլի, Համբարձումյան Վիկտոր Համազասպի, 2-րդ հրատարակչություն, Երևան, «Լույս», 1971։
• Աստղեր, գալակտիկաներ, մետագալակտիկա։ Աղեկյան Թադևոս Արտեմի, Թովմասյան Հրանտ Մուշեղի, Քալլօղլյան Ա. Ս, Գրիգորյան Ռ. Ղ., Երևան, «Հայաստան», 1971։
• Բյուրականի աստղադիտարան։ Թովմասյան Հրանտ Մուշեղի, ՀՍՍՀ ԳԱ, Երևան, Ա. հ., 1972:
• Աստղագիտություն։ Ձեռնարկ միջնակարգ դպրոցների 10-րդ դասարանի համար, Առաքելյան Մարատ Արսենի, Թովմասյան Հրանտ Մուշեղի, Միրզոյան Լյուդվիգ Վասիլի, Համբարձումյան Վիկտոր Համազասպի, 3-րդ հրատարակություն, Երևան, «Լույս», 1973։
• Մոլեգին գալակտիկաներ, Թովմասյան Հրանտ Մուշեղի, Երևան, 1974։
• Ռադիոաստղագիտություն, ուսումնական ձեռնարկ, 1976
• Բյուրականի աստղադիտարանը։ Թովմասյան Հրանտ Մուշեղի, ՀՍՍՀ «Գիտելիք» ընկերություն, Երևան, ՀՍՍՀ ԳԱ հրատարակչություն, 1977։
• Աստղագիտություն։ Թումանյան Բենիկ Եսայու, Միրզոյան Լյուդվիգ Վասիլի, Թովմասյան Հրանտ Մուշեղի, Երևան, Երևանի համալսարանի հրատարակչություն, 1978։
• Տիեզերագնացությունը և ժամանակակից աստղագիտական հետազոտությունները։ Թովմասյան Հրանտ Մուշեղի, Միրզոյան Լյուդվիգ Վասիլի, Երևան, «Գիտելիք», 1984։
• Ռադիոգալակտիկաներ։ Թովմասյան Հրանտ Մուշեղի, Մալումյան Վ., Երևան, ՀՍՍՀ ԳԱԱ հրատարակչություն, 1987։
• Внегалактические источники радиоизлучения, М., 1986;
• Ультрафиолетовые телескопы на орбите, М., 1989.
• Web page dedicated to the life and scientific activity of Hrant Tovmassian