Quick Facts
Biography
Hermann Ludwig von Hodenberg (* 30. April 1801 in Hameln; † 27. Dezember 1866 in Borgdörp) weer en düütschen Verwaltungsbeamten.
Von Hodenberg is 1801 as Söhn von Friederike Johanne Christiane, borene Brummer (29. September 1762-9. Januar 1844), un Adolph Friedrich von Hodenberg (11. Februar 1755 -5. Oktober 1811) boren un an’n 31. Mai in Hameln döfft worrn.
He is 1829 Amtsassesser bi dat Amt Celle worrn, weer 1831 Amtsassesser supernumerär bi dat Amt Leendaal un 1836 bi dat Amt Horborg.
He weer von 1838 bet 1852 Greev von dat Grevengericht Oolland un von 1852 bet 1860 Amtmann von dat Amt Leendaal.
Von 1860 bet to sien Dood 1866 weer he Oberamtmann von dat Amt Borgdörp.
1829 hett he Dorothea Marie Friederike, borene Bötemeister († 1835) freet. De beiden harrn de Kinner Wilhelm Hermann (8. Dezember 1830-13. Juni 1913) un Karl (13. Mai 1833-20. Juni 1870). Na’n Dood von siene eerste Fro hett he in twete Eh an’n 30. Dezember 1836 in Pinnbarg Hedwig Johanne Margarethe Karoline von Bülow (12. September 1814-3. Januar 1890) freet. De beiden harrn de Kinner Gottlob (11. Oktober 1837-1. April 1903), Ernst Friedrich Magnus (* 28. Juli 1839), Luise, Friederike, Bodo (* 8. April 1846), Wilhelm (* 4. Juli 1851) un Adolf (* 15. November 1853).