Herbert Fuller

Herbert Charles Fuller († März 1962) weer en Politiker ut Brietsch-Honduras (NP).

Fuller weer toeerst in de Johren 1940 polietsch aktiv. 1947 is he as Maat von de Native-First-Bewegung Maat von’n Stadtraad von Belize-Stadt worrn. 1948 is he in’n Legislativraad von Brietsch-Honduras wählt worrn. 1951 weer Fuller Mitgrünner von de National Party (NP) un is denn ok Viez-Präsident von de Partei worrn.

Bi de Parlamentswahl in Brietsch-Honduras 1954 weer he Kannedaat för de NP in’n Wahlkreis Belize Süüd un hett de Wahl mit 47,3 % von de Stimmen gegen Philip Goldson von de PUP verloren. Bi de Wahl 1957 weer he in’n sülven Wahlkreis Kannedaat. Mit 38,6 % von de Stimmen keem he op’n tweten Platz achter Denbigh Jeffery von de PUP un vör Philip Goldson von de HIP.

An’n 1. Juli 1958 hebbt sik de National Party un de Honduran Independence Party (HIP) to de National Independence Party (NIP) tohoopslaten. Fuller is as eersten Parteibaas von de NIP wählt worrn.

Bi de Wahl to’n Stadtraad von Belize-Stadt in’n Dezember 1958 kunn Fuller för de NIP in’n Raad intehn.

Nadem to de Wahl 1961 de Wahlkreise nee indeelt worrn sünd, is Fuller för de NIP in’n Wahlkreis Fort George antreden. Mit 28,5 % von de Stimmen keem he op’n tweten Platz achter Alexander Hunter von de PUP un vör Denbigh Jeffery von de CDP.

Dormit kunn he nich in de Legislativversammlung intehn.

Fuller is bet to sien Dood Parteibaas von de NIP bleven. Na sien Dood hett Philip Goldson düssen Posten övernahmen.

Ehren

Fuller is to Neejohr 1952 Officer of the Order of the British Empire worrn.