Halvor Olsen Stamsø

Halvor Olsson Stamsøy (2. juni 1800–18. februar 1890) var ein norsk lærar, gardbrukar, lensmann og stortingsmann frå Søndeled i Aust-Agder. Ole Toresson Rød var far hans.

Stamsøy var skulehaldar frå 1819 til -33. I 1833 kjøpte han garden Stamsøy i Søndeled og dreiv denne i lang tid. Han var lensmann 1845-55. Stamsøy var forlikskommissær 1834-37 og medlem av heradsstyret 1838-64, ordførar i åtte år.

Stamsøy representerte Nedenes og Robygdelagets amt på Stortinget 1848-51 og 1857-60. I Både i 1848 og 1851 medlem av budsjettkomiteen, 1851 også av Lagtinget. Han heldt fram som lagtingsmedlem 1857-60, då han elles var med i konstitusjonskomiteen.

Han døydde på garden sin i Søndeled i 1890.

• Lindstøl, Tallak:Stortinget og Statsraadet 1814-1914. Kristiania, 1914
• Biografisk informasjon om Halvor Olsson Stamsøy NSD Norsk senter for forskningsdatas politikararkiv

• «Halvor Stamsø». Risør og Søndeled 1837-1987: glimt fra kommunenes historie gjennom 150 år : utgitt i anledning Formannskapslovenes 150 års jubileum. Risør: Historielaget. 1987. s. 146–147. ISBN 8299096715.