Grigore Avakian

Անվան այլ կիրառումների համար տե՛ս՝ Գրիգոր Ավագյան (այլ կիրառումներ)

Վիքիպեդիայում կան հոդվածներԱվագյան ազգանունով այլ մարդկանց մասին։

Գրիգոր Մկրտչի Ավագյան (մարտի 8, 1899(1899-03-08), Աքքերման, Բեսարաբյան գուբերնիա, Ռուսական կայսրություն - օգոստոսի 28, 1982(1982-08-28), Բուխարեստ, Ռումինիա), հայ հնագետ, պատմաբան, հրապարակագիր և թարգմանիչ Ռումինիայում (պատմական գիտությունների դոկտոր, պրոֆեսոր)։

Ծնվել է 1899 թվականին, Աքքերմանում։ Պեղումներ է կատարել Աքքերմանում՝ հայտնաբերելով Կիլիկիայի հայկական թագավորների դրամներ, ռուսերեն և ռումիներեն հրատարակել աշխատություններ Աքքերմանի հայերի պատմության վերաբերյալ։ Ցույց է տվել Կիլիկիայի հայ առևտրականների կապերն այս շրջանի հետ։ 1935 թվականին Հռոմում լույս է ընծայել «Անտիպ նկարներ էտրուսկյան և հռոմեական ճարտարապետական հուշարձաններից» աշխատությունը (իտալերեն)։ 1955 թվականից աշխատանքի է անցել ռումինական ակադեմիայի Մարդաբանության ինստիտուտում։ Ավագյանը արժեքավոր աշխատություններ ունի Ռումինիայի հայերի պատմության մասին։ Ռումիներեն է թարգմանել ընտիր հատվածներ հայ միջնադարյան տաղերգուների ստեղծագործություններից։