Gorka Aranberri

Gorka Aranberri Etxeberria (Donostia, 1987ko martxoaren 4a) 2010. hamarkadako traineru estropadetako patroi onenetakoa da. Dagoeneko Kontxako 5 Bandera irabazi ditu, lau Urdaibai Arraun Elkartearekin eta bosgarrena Orio Arraunketa Elkartearekin.

Zarautz Arraun Elkartean hasi zen eta herriko taldearen garai onenean trebatu zen patroigintzan. 2006 eta 2007an Kontxan laugarren postuak eskuratu zituzten zarauztarrek, 2006an euskaldunen artean lehenengoak izan ziren, eta 2007 eta 2008an TKE Ligan bosgarren egin zuten. 2007an lortu zuen gainera Zarautzek bere titulu bakarra trainerutan, Gipuzkoako txapelketa hain zuzen ere. 2010an Zarautzek maila galdu zuen eta 2011 denboraldirako Urdaibai Arraun Elkarteak fitxatu zuen.

Lehenengo denboraldian Lur Uribarrenekin txandakatu zen txopan. Itsasoa zailtzen zenean Gorka aritzen zen eta horrela irabazi zituen lehenengo Kontxa eta Euskadiko txapelketa. Hurrengo urteetan bera izan da Urdaibaiko patroia eta 2014 eta 2015ean txapelketa guztiak eta Kontxako Bandera irabazi ditu. 2016an laugarren Kontxako Bandera eta bere aurreneko Liga irabazi zituen.

2017 deboraldirako Oriora joan zen eta Kontxako Bandera eta Zarauzko Ikurrina irabazi zituen besteak beste.

• Kontxako Banderak (5): 2011, 2014, 2015, 2016 eta 2017.
• Espainiako Traineru Txapelketak (2): 2014 eta 2015.
• TKE Liga (1): 2017.
• Euskadiko Traineru Txapelketak (3): 2011, 2014 eta 2015.
• Gipuzkoako Traineru Txapelketa (1): 2007.
• Bizkaiko Traineru Txapelketa (2): 2014, 2015 eta 2016.
• Zarauzko Ikurrina (2): 2016, 2017.
• El Corte Ingles Bandera (1): 2016.