Quick Facts
LibraBiography
De Freiherr Georg-Alvin-Johann-Leopold von Puttkammer gebuer den 11. Oktober 1811 zu Jassen an der Provënz Pommern a gestuerwen 1885, war en héije preiseschen Offizéier, deen 1831 als Porte-Épée-Fähnrich vum 39. Infanterieregiment zu Lëtzebuerg a Garnisoun war.
1835 huet sech de von Puttkammer, deemools nach Oberleutnant, mat der Freiin d'Olimart, Duechter vum Regierungsrot d'Olimart vu Bettenduerf bei Dikrech bestuet. 15 Joer laang huet hien ouni Ënnerbreechung zu Lëtzebuerg gewunnt. D'Schlass zu Bettenduerf heescht ëmmer nach, bis haut, d'Puttkammerschlass. De Freiherr von Puttkammer huet et bis zum Generolmajouer bruecht. Hien huet no senger Pensioun 14 Joer zu Koblenz gelieft. Vun him schreift de K. Arendt: Bei uns hinterliess von Puttkammer ein in jeder Beziehung ehrenvolles Andenken.
Literatur
- Arendt, K.: Porträtgalerie hervorragender Persönlichkeiten des Luxemburger Landes mit biographischen Notizen - S. 479: Freiherr von Puttkammer,1972 (Neioplo) Edouard Kutter Verlag
