Genaro Alonso

Genaro Alonso Megido (1955, Ayer) ye un escritor, académicu na Academia de la Llingua Asturiana y filólogu asturianu. Foi conseyeru d'Educación y Cultura del Principáu d'Asturies dende 2015 hasta 2019 mientres la presidencia de Javier Fernández.

Genaro Alonso ta llicenciáu en Filoloxía Hispánica pola Universidá d'Uviéu, premiu Estraordinariu de Llicenciatura, doctor en Filoloxía Hispánica pola Universidá de Llión y catedráticu d'Institutu dende 1984 a 1994 fecha na que s'incorporó al serviciu d'inspección educativa de la Conseyería.

Miembru de l'Academia de la Llingua Asturiana dende 1990 y presidente de l'Asociación d'Inspectores d'Educación d'Asturies (ADIDE) ente 2001 y 2007, ye autor amás de dellos trabayos rellacionaos cola llingua.

Nomáronlu Conseyeru d'Educación, Cultura y Deporte del Principáu d'Asturies mientres el gobiernu socialista de Javier Fernández, ensin tar afiliáu a la FSA. Mientres el so mandatu, desendolcó una prueba pilotu onde l'asturianu ye la llingua vehicular. Esto namái tuvo presente en colexos d'Avilés, Grau, Mieres, Siero o Samartín del Rei Aurelio.

• Inmersión llingüística
• Federación Socialista Asturiana
• Academia de la Llingua Asturiana

• Wikimedia Commons acueye conteníu multimedia sobre Genaro Alonso.