Gareth W. Williams

Peidiwch â chymysgu yr awdur hwn â Gareth F. Williams.

Awdur o Gymro yw Gareth W. Williams, sy'n wreiddiol o’r Rhyl ond bellach yn byw yn Nelson, Caerffili. Bu’n gweithio ym myd addysg tan iddo ymddeol a throdd at ysgrifennu o ddifrif.

Mae ei drioleg o nofelau trosedd Y Teyrn, Y Llinach ac Yr Eryr (cyhoeddwyd 2013–18) yn sôn am fygythiadau allanol i’r gymdeithas Gymraeg a Chymreig. Maen nhw wedi eu gosod mewn tref fechan glan y môr, ac yn dilyn hanes Arthur Goss, ditectif sy wedi ymddeol ond sy am dreiddio i hanfod y gymdeithas ac mae’r hanesion yn dilyn ei gilydd dros gyfnod o rhyw ddwy flynedd.

• Gwenyn (Gwasg Gomer, 1996)
• Y Ffatri Tywydd (Nelson, Caerffili: Gwasg G.Ap, 1997)
• Y Teyrn (Gwasg Gomer, 2013)
• Y Llinach (Gwasg Gomer, 2016)
• Yr Eryr (Gwasg Gomer, 2018)
• Promenâd y Gwenoliaid (Gwasg Gomer, 2019)
• A:annisgwyl (Gwasg y Bwthyn, 2021)