Fritz Drobe

Fritz Drobe (* 16. Januar 1909 in Geestmünn; † 14. April 1994 in Langen) weer en plattdüütschen Schriever.

Drobe is 1909 as Söhn von en Müürger in Geestmünn boren. He weer dor bet 1923 op de Volksschool un hett denn in Bremerhoben en Lehr as Koopmann maakt. Von 1926 bet 1931 weer he koopmännschen Anstellten. 1931 bet 1932 hett he as Reporter för en Daagbladd arbeidt. 1933 is he Verwaltungsanstellten in Bremerhoben worrn. He weer dor Binnenrevisor in de Stadtkass. Bi de Stadt Bremerhoben is he bet 1972 bleven. Drobe is 1994 in en Olenhuus in Langen doodbleven.

In’n November 1950 hett he tohoop mit Fite Schultz de Plattdüütsche Gill Bremerhoben grünnt.

1974 hett he dat Verdeenstkrüüz an’t Band von’t Bundsverdeenstkrüüz kregen.

Plattdüütsch:

• Moorlüüd. Een Speel in 3 Törns. Hermes, Hamborg 1937 (toeerst opföhrt an de Nedderdüütsche Bühn Hamborg, 17. März 1937)
• Nielk, de Windbütel. Lustig Speel in 3 Törns. Hermes, Hamborg [1954] (toeerst opföhrt an de Volksspeelbühn „Hüsung“ in Hamborg an’n 23. September 1954)
• Eine vergnügliche Reise. Anekdoten und Kurzgeschichten in Hoch- und Plattdeutsch. Ditzen, Bremerhoben 1979
• Die Weiberjagd. Neue, heitere und besinnliche Kurzgeschichten in Hoch- und Plattdeutsch. Ditzen, Bremerhoben 1984
• De grote Waterprov. Osterspeel. (toeerst opföhrt bi de Plattdütsche Gill in Bremerhoben 1960)
• De Spinner. Vergnögt Speel. (toeerst opföhrt an de Nedderdüütsche Bühn Waterkant in Bremerhoben an’n 24. September 1977)

Höörspelen:

• Krusen Kohl. (RB 2. Januar 1950)
• Dubbelmord. (RB 15. Mai 1950)
• De Eck bi’t Gleis. (RB 8. 3. 1954, Groningen 9. Januar 1969)
• Dör Daak un Düster. (NDR 8. Februar 1956)
• Up legen Weg. (RB 30. 7. 1956, WDR Oktober 1960)
• Leeg Fahrwater. (RB 23. Juni 1958)
• Hannen weg von de Wetenschapp. (WDR 6. März 1962)
• De deepe Graben. (WDR Dezember 1962)
• Geiht allens sienen Padd. (WDR 7. Mai 1965)
• Twintig Mann un een Jung. (RB 18. August 1966)
• Blot een Kalennerblatt. (WDR 14. April 1967)
• Veel Wind in’e Schüün. (RB 23. Oktober 1970)
• Speeltüüg. (RB 5. Juli 1976)
• Dat Leben is noch nich vörbi. (RB 26. Juni 1978)

Hoochdüütsch:

• Rund um den Leuchtturm. Heiteres von Land- und Wasserratten. 1968

• Fritz Drobe in de PBuB (hoochdüütsch)