Fehmi Pireva

Fehmi Pireva lindi më 24 tetor të vitit 1966 në Lupç të Poshtëm, Komuna e Podujevës, është është Jurist i Diplomuar.

Fehmi Pireva në vitet '90-ta ishte i angazhuar në Parlamentin Rinor në Podujevë, dhe mori pjesë në aksionin për pajtimin e gjaqeve. Ishte njëri nga themeluesit e Shoqatës "Bashkimi i Rinisë", më 24 tetor të vitit 1990, e cila kishte shtrirje kryesisht në territorin e komunës së Podujevës. Në organizatë, Fehmi Pireva, punoi një kohë të gjatë si njëri nga anëtarët redaksisë së revistës së të rinjve llapian "Zgjimi", bashkë me Hajredin Hysenin, Fatmir Humollin, Enver Fazliun, Ilir Ejupin,Përshkak të aktiviteteve në shoqatën " Bashkimi i Rinisë ", në vitin 1994, ftohet disa herë në të ashtuquajtura "biseda informative" në Podujevë dhe Prishtinë dhe rrihet brutalisht nga policia serbe. Për shkak të gjendjes shëndetësore, deri në prag të luftës, detyrohet të tërhiqet në ilegalitet. Gjatë luftës së UÇK-së, veproi në kuadër të Mbrojtjes Civile, Zona Operative e Llapit ( ZOLL) në informim dhe logjistikë. Është marrur me publicistikë dhe ka shkruar për disa gazeta: Kosova Sot, Lajm, Expres, Zëri, Shekulli, Standard, Tema` Nga viti 2009-2012, ka punuar si zyrtar i lartë ligjor, në Zyrën për Regjistrimin e Partive Politike dhe Certifikim në Komisionin Qendror të Zgjedhjeve. Nga dhjetori i vitit 2012, kryen detyrëne zyrtarit ndërlidhës me institucionet dhe agjencitë e pavarura, në Kuvendin e Republikës së Kosovës.

Fehmi Pireva është autor i disa librave :

- "Sfidat e Reformës Zgjedhore në Republikën e Kosovës ", botuar në vitin 2012,

- " Albumi i Hënës", poezi për fëmijë, botuar më 2015,

-" Kjo mjegull", poezi për të rritur,botuar më 2016,

- " Piktori i Qiellit", poezi për fëmijë, botuar më 2017,

- "Dashuri e Qelqtë", poezi për të rritur, botuar më 2018,

- " Prerja e frikës", roman, botuar më 2019

Në vitin 2015, me disa poezi është përfshirë në Antologjinë Moderne të Poezisë Shqipe, ndërsa nga viti 2016, pranohet anëtar i Lidhjes së Shkrimtarëve të Kosovës.