Fayd Muhammad Fayd

فايد محمد فايد ,مطرب مصرى, اتولد سنة 1928, اتعرف بموهبته فى الغنا من الصغر, دخلللدراسه بمعهد المزيكا العربيه لمده سنتين و درس الغنا و العزف على العود, اشتغل مدرس للمزيكا فى مدرسة السيده زينب الابتدائيه, و غنى بعدها فى عدد من محطات الاذاعه و الملاهى الليليه, و بدا حياته بالغنا الشعبى فى المناسبات و الافراح, و ظهرت موهبته من خلال الغنا فى الاذاعه المصريه باغنيته الشهيره “حلاوتها زايده حته ياكلوها الساعه سته” و بدا الظهور فى السينما مشارك بالغنا فى كتير من الافلام, منها: (اربع بنات وضابط, الفارس الاسود, خطف مراتى, اولاد الفقرا) ,اختاره على الكسار فى افلامه كمغنى و اشهرها كان فيلم سلفنى 3 جنيه و ظهر كمان فى فيلم بواب العماره و يوم المنى و فيلم الساعه 7 كمان فى افلام يوسف وهبى فى افلام ” اولاد الشوارع, واولاد الفقرا, وبنات الريف”.

المثير فى حياة فايد الشخصيه انه كان مزواج, و كان لما يروح المحافظات المختلفه على مستوى الجمهوريه للغنا فى الافراح الشعبيه, يتجوز من واحده بناتها و وصل الى 38 زيجه.

و كانت اعمار زوجاته متباعده, و خلف 12 ابن و بنت من الـ38 سيده, و فضل يتجوز لحد اتوفى و هو ابن 60 سنه, و اشهر زيجاته كانت من الفنانه “اسمهان” شقيقه الموسيقار فريد الاطرش.

اتوفى سنة 1988.

• فيلم “خطف مراتى” غنى اغنيه “سلامات” سنه 1954.
• فيلم “البؤساء” سنه 1978
• فيلم ”لمن تشرق الشمس” سنه 1976
• فيلم ”الطاغيه” سنه 1985

عشاقك كتير يا ليل - كلمات محمد محمود

لامونى الناس على حبى

ياليله بيضا يانهار بيلالى

حلاوتها زايده حته

سوق الحلاوه جبر واتبغددوا الوحشين _ كلمات عبد الفتاح شلبى

بحبهم الاتنين - كلمات محمود الكمشوشى

يابنت قولى لابوكى - كلمات فايد محمد فايد

يا ليله بيضاء - كلمات فتحى شريف