Quick Facts
Biography
فوزي بغدادلي | ||
| معلومات عامة | ||
| زيادة | 9 شتنبر 1954 الرباط | |
| لموت | 25 فبراير 2024 (69 عام) | |
| لجنسية | جزاير | |
| لحرفة | فنان تشكيلي، رسام بالرصاص و رسام توضيحي | |
| لّوغات لي كيعرف | عربية | |
فوزي بغدادلي (مزيود ف 9 شتنبر 1954 ف الرباط، توفى ف 25 فبراير 2024 ف أنڭوليم، فرانسا) رسام د لكوميكس جزايري. بغدادلي بدا خدمتو ف مدينة تزاير، و خدم ف هولاندا، ألمانيا، لميريكان، و فرانسا فين ستاقر.
حياتو
بغدادلي تزاد ف لمغريب، و بدا خدمتو ف مدينة تزاير كا رسام د الجورنالات ف السبعينات. تعلّم بوحدو و مشى موراها ل پاري، و من بعد ل أمسطردام باش يخدم كا رسام إشهاري. ف 1982، مشى ل نيويورك فين خدم معا مارڤل كوميكس كا قلايمي penciler على الرسيم د سلسلة دوكتور غريب Doctor Strange.
ف عوام 2000 ستاقر ف نونط فين بدا كيكتب لقيصاص لقصيرة. ف 2004، مشى ل مدينة أنڭوليم فين خدم كا كاتب د لكوميكس معا ورشة ماركي دو كروكوڭول Atelier du Marquis de Crocogoulle على عامال ديال السيرة الداتية، و مشاريع خرين، منهم كتاب كيحتافل ب لمهرجان لعالمي د لكوميكس، و الرسيم ديال جداريات ف لمدينة. ف نفس لورشة، خدم على مجموعات خرين ديال لكوميكس، منها واحد لپروجي على التاريخ د لحرب لعالمية التانية ف أنڭوليم. ف 2022 معا دار النشر Passé Composé دار ألبوم Vésale.
نهار لحد 25 فبراير 2024، توفى بسباب لكونصير.