Quick Facts
PiscesBiography
یئتیم ائیواز - تام آدی ائیواز قوربانوو آذربایجانلی شاعیر.
حیاتی
ائیواز قوربانوو ۱۶ فوریه ۱۹۵۲ده سیه‌زن بؤلگه‌سی‌نین قرح کندینده آنادان اولموشدور. سیه‌زن شهری جعفر جاببارلی آدینا بیر نومره‌لی مکتبده اوخویوب. ۱۰ ایلدن سونرا عسکرلیگه گئدیب. ۲۱ ایل سوروجو ایشله‌ییب. ۱۹۹۶-نجی ایله کیمه یاخشی یاشاییب، آمّا ۱۹۹۶-۲۰۰۶ ایللری آراسیندا پول قازانماق اۆچون هر زحمته قاتلاشیب. اودون دوغراییب ساتیب، سوروجولوک ائدیردی. ۲۰۰۶-نجی ایلده یوتیوبدا یاز یاغیشی شعریله محبوبیت قازانمیشدیر. شعر یازماغا ۱۵ یاشیندا باشلامیشدیر. اؤز دئدیگینه گؤره بوگونه قدر ۲۴۲۳ شعر یازمیشدیر. عومومیتله اونون یازدیغی و تویلاردا سؤیله‌دیگی موسیقیلی شعرلر اونو میلت آراسیندا سئودیرمیشدی. اونون ایکی قیزی و ایکی اوغلو وار ایدی.
آغ جیار خسته‌لیگیندن اذیت چکن شاعیر ۲۳ جولای ۲۰۱۷-نجی ایلده ۶۵ یاشیندا وفات ائدیب دوغما کندینده دفن اولونموشدور.
شعرلریندن بیر نومونه
یاغیش یاغیر، یاز یاغیشی
یاغ ای یاغیش-یاغگینان سن
سنه احسن، سنه آلقیش
یاغ ای یاغیش-یاغگینان سن
بو چؤللره چمنلره یاغگینان سن
سوسوزلوقدان خزان اولان چیچکلره یاغگینان سن
یاغگینان سن
آرزولارا دیلکلره یاغگینان سن
محبتدن آلولانان اورکلره یاغگینان سن
یاغگینان سن
یاغا یاغا ایسلاتگینان پالتاریمی
قایتار منه گنجلیکده‌کی اؤز عهدیمی، ایلقاریمی
ائله یاغ کی قوی ایسلانسین الیمدکی قلم، واراق
یادیمدادی نئجه یاغدین دوز اوتوز ایل بوندان قاباق
ائله گؤزل یاغمیش ایدین ایسلانمیشدی اوز گؤزوموز
اوتورموشدوق قالا آلتیندا، بیر پالیدین آلتیندا بیز
سن یاغدیقجا دامجیلارین سپیلیردی اوزوموزه
ایکیمیز ده ایسته‌میردیک دوروب گئدک ائویمیزه
قورخوردوق کی دوروب گئتسک، خلل گلر سئوگیمیزه
سن بیر شعرسن کی
سن بیر نغمه سن کی
آغزین یوخدور، دیلین یوخدور، نئجه دئییم بیله‌سن کی
سن یاغاندا یاماجلارا، دوزنلره جان وئریرسن
زمیلرده سونبوللرین دامارینا قان وئریرسن
یاغ آی یاغیش
قوربان اولوم، سحره‌جن یاغگینان سن
دایانمادان، قالا آلتیندان شهره‌جن یاغگینان سن
یاغگینان کی گیله‌زیده سولان گوللر چیچک آچسین
بو اؤلکه‌دن، بو دیاردان، غصه، کدر، اوزاق قاچسین
یاغا یاغا نه اولار کی خبر آپار سئوگیلیمه
آمان گوندور، بو حالیمی بو گونومو اونا دئمه
دؤیه دؤیه پنجره‌سین دئ گینن کی گلیبدی یاز
قالا آلتیندا شیرعلی‌نن شش بئش وورور یئتیم ائیواز.
قایناقلار
آذربایجان تۆرکجه‌سی لاتین ویکی‌پدیاسی‌نین ایشلدنلری طرفیندن یارانمیش«Yetim Eyvaz»،مقاله‌سیندن گؤتورولوبدور. (۲ مرداد ۱۳۹۶ تاریخینده یوْخلانیلیبدیر).