Quick Facts
PiscesBiography
Éva Lehoczky [lehocki], laŭ hungarlingve kutima sinsekvo Lehoczky Éva estis hungara operkantisto, (koloratursoprano). Ŝia geedziĝa nomo hungarsisteme estis Lammel Erichné.
Éva Lehoczky [1] naskiĝis la 7-an de marto 1925 en Debrecen, ŝi mortis la 6-an de decembro 2016 en Budapeŝto.
Biografio
Éva Lehoczky studis frapinstrumentojn en Muzikakademio de Budapeŝto, poste ŝi aliĝis al ĵazaj orkestroj. Denove ŝi studis en la Muzikakademio, sed jam operkantadon inter 1949 kaj 1956. Post siaj studoj ŝi komencis sian karieron en Operetoteatro (Budapeŝto), poste en aliaj (ĉefe) provincaj teatroj. Inter 1965–1968 ŝi kantadis en Karl Marx Stadt, poste en Nacia Teatro (Szeged). Inter 1970 kaj 1984 ŝi estis membro de Budapeŝta Ŝtata Operejo, poste ŝi pensiuliĝis. Ŝi faris turneojn en Eŭropo, eĉ en Amerikoj. Ŝi ricevis 3 premiojn inter 1978-1984. Ŝi mortis pro incendio en sia domo.
Ŝia repertuaro (elekto)
- Wolfgang Amadeus Mozart:
- Die Zauberflöte - reĝino de nokto (ŝia plej ofta rolo)
- Così fan tutte – Fiordiligi
- Die Entführung aus dem Serail – Konstanza
- Gaetano Donizetti:
- Lucia di Lammermoor - titolrolo
- L'elisir d'amore - Adina
- Giuseppe Verdi: Rigoletto – Gilda
- Imre Madách: La tragedio de l' homo – Hyppia (dramo, proza rolo)
- Pongrác Kacsóh: János vitéz – franca reĝidino (opereto)
Roloj en televiziaj filmoj
- Boccaccio (1978)
- Csalóka Péter (1979)