Quick Facts
LibraBiography
Ervin Schőmer [ŝOmer], laŭ hungarlingve kutima nomordo Schőmer Ervin estis hungara arkitekto.
Ervin Schőmer [1] naskiĝis la 24-an de septembro 1908 en Budapeŝto. Li mortis la 19-an de januaro 1982 en Budapeŝto.
Biografio
Ervin Schőmer frekventis gimnazion en sia naskiĝurbo, poste li akiris diplomon en Reĝa Teknika Universitato József en 1932. Post 2 jaroj li eklaboris en la ĉefurba municipo, kie li faris projekton ekzemple pri loĝkvartalo Víziváros. Post la 2-a mondmilito lia projekto ricevis la unuan lokon pri hotela serio laŭ la Danubo. Post la ŝtatiĝo li povis labori nur en ŝtataj laborejoj, ekde 1949 li havis signifan postenon en la Ĉefurba Projekta Entrepreno. Post jaroj li laboris en similaj entreprenoj. En 1969 li pensiuliĝis. Li ricevis premiojn en 1958 kaj 1976.
Elektitaj libroj
- Új Építészet (1947)
- Kórházi műtők II. (1973)
Elektitaj projektoj
- diversaj loĝkvartaloj en Budapeŝto
- hospitaloj en Zalaegerszeg, Gödöllő, Tatabánya, Pécs, Nyíregyháza, Edelény, Szekszárd, Kalocsa, Győr, Heves (urbo).
- lernejoj en Tápióság, Zugló