Encarna Otero Cepeda

Encarna Otero Cepeda, nada en Santiago de Compostela o 29 de xullo de 1950, é unha historiadora e política nacionalista galega.

Entre 1971 e 1976 residiu na cidade francesa de Tolosa, licenciándose en 1975 en Historia na Universidade de Tolosa-Le Mirail.

Desde o ano 1970 milita activamente no nacionalismo. Durante a súa etapa en Francia participa no movemento antifranquista e coñece directamente a realidade do exilio. Desde 1982 forma parte do Consello Nacional do BNG. Desde o ano 1999 até o 2003 foi Primeira Tenente de Alcalde e Concelleira-Delegada de Rehabilitación do Casco Histórico, de relacións co Consorcio e de Muller en Santiago. Foi directora xeral de Fomento e Calidade da Vivenda no goberno galego.

Ten colaborado e colabora en diferentes publicacións galegas como A Nosa Terra, O Ensino, Andaina, ou Festa da Palabra Silenciada, con diversos artigos sobre a muller na historia. É asemade autora de varios estudos académicos.

No ano 2010 volve as aulas do IES Eduardo Pondal de Santiago a impartir clases.

Ensaio

• Anacos de esperanza, 2003, Edicións do Castro.

Literatura infanto-xuvenil

• O branco país sen neve, 2008, Galaxia.
• A serea do mundo, 2008, Galaxia.

Obras colectivas

• A ollada exterior do nacionalismo galego, 2011, Fundación Galiza Sempre.