Ella Yaqubova

Ella İsmayıl qızı Yaqubova (d. 30 dekabr 1946, Gəncə, Azərbaycan SSR) — Azərbaycanın teatr və kinoaktrisası, Azərbaycanın xalq artisti (2018), Mingəçevir Dövlət Dram Teatrının aparıcı aktrisası, Azərbaycan Teatr Xadimləri İttifaqının üzvü (1989), Yeni AzərbaycanPartiyasının üzvü (2005).

Yaqubova Ella İsmayıl qızı 1946-cı il Dekabrın 30-da Gəncə şəhərində anadan olub. İbtidai təhsilini Gəncə şəhərində, orta məktəbi isə Bakı şəhərində 44 saylı orta məktəbi bitirib. 1963-cü ildə Bakı Mədəni Maarif Texnikumuna daxil olub, 1966-cı ildə oranı bitirdikdən sonra Gəncə Dövlət Dram Teatrına göndərilib həminteatrda müxtəlif dram əsərlərində iştirak etib. 1968-ci ildə təyinatla Mingəçevir Dövlət Dram Teatrına göndərilib. 300-dən artıq obrazlar ifa edib.

Mingəçevir Dövlət Dram Teatrında ifa etdiyi rollar:

• Almaz “Almaz” (Cəfər Cabbarlı)
• Sara“Solğun çiçəklər”(Cəfər Cabbarlı)
• Gültəkin “Aydın” (Cəfər Cabbarlı)
• Tanya“Yaşar” (Cəfər Cabbarlı)
• Sona“Hacı Qara”(Mirzə Fətəli Axundov)
• Həcər xanım “Eşq və İntiqam”(Süleyman Sani Axundov)
• Fəxrundə“Bayramın birinci günü”(Nazim Hikmət)
• Sara bəyim“Vətən dərdi”(Nazim Hikmət)
• Ana “Ana” (Hüseyn Cavid)
• Nənə“Nənəmin kələyi” (Əli Əmirli)
• Ana“İki yetimin taleyi”(Əli Əmirli)
• Nurcahan“Nənənin Kələyi”(Əhməd Orucoğlu) və.s əsərlərdə baş rolların və birinci dərəcəli obrazların ifaçısı olub.

1988-ci ildə "Əmək veteranı" medalı, 2009-cu ildə Əməkdar artist fəxri adı, 2013-cü ildə "Tərəqqi" medalı, 2004-cü ildə "Qızıl Dərviş" mükafatı laureatı olmuş, Azərbaycan Teatr Xadimləri İttifaqında keçirilən bədii qiraət festiValının bir neçə dəfə iştirakçısı olmuş, ikinci dərəcəli diplom və digər mükafatlara layiq görülmüşdür. 9 may 2018-ci ildə və 10 may 2019-cu ildə Prezident Mükafatı laureatı olmuşdur. 27 may 2018-ci ildə Azərbaycanın Xalq artisti fəxri adına layiq görülmüşdür.

40-ildən artıq Mingəçevir Dövlət Dram Teatrında fəaliyyət göstərən aktrisa hal-hazırda Mingəcevir Dövlət Dram Teatrında yaranmış "Ümid" gənc aktyorlar studiyasında müəllim kimi fəaliyyət göstərərək Azərbaycan teatrı haqqında anlayış, səhnə danışığı, səhnə texnikası, səhnə hərəkəti və Azərbaycanteatrı haqqında tədris, maarif və mədəniyyət dərslərini keçir. Region televiziya kanalı olan "El" kanalında fəaliyyət göstərir. Azərbaycan istehsalı olan "Xoca" filmində "Sultan" xanım obrazında və "Həyat varsa" teleserialında çəkilib.