Quick Facts
GeminiBiography
Ելենա Ավետիքի Աբաջյան (մայիսի 29, 1922(1922-05-29), Թիֆլիս, ԱԽՖՍՀ - 2015, Երևան, Հայաստան), հայ դաշնակահարուհի, մանկավարժ։
Կենսագրություն
Ելենա Աբաջյանը ծնվել է 1922 թվականի մայիսի 29-ին, Թիֆլիս քաղաքում։
1926 թվականից ապրել է Լենինականում, որտեղ ստացել է նախնական երաժշտական կրթություն։ 1934 թվական մասնակցել է պատանի շնորհալիների հանրապետական օլիմպիադային և արժանացել 1-ին մրցանակի։ 1939–1940 թվականին սովորել է Մոսկվայի Գնեսինների անվան երաժշտական ուսումնարանում, 1945 թվականին ավարտել Երևանի Կոմիտասի անվան պետական կոնսերվատորիայի դաշնամուրի բաժինը (Ռոբերտ Անդրիասյանի դասարան)։ 1945 թվականից դասավանդել է նույն կոնսերվատորիայի դաշնամուրի բաժնում։ Ելենա Աբաջյանը միաժամանակ, 1947-1952 թվականներին դասավանդել է Ալեքսանդր Սպենդիարյանի անվան երաժշտական մասնագիտական դպրոցում, 1950–2006 թվականին՝ Երևանի Չայկովսկու անվան երաժշտական դպրոցում։
1970 թվականից եղել է «Երաժիշտ» թերթի խմբագիրը։ Կազմել և խմբագրել է հայ կոմպոզիտորների դաշնամուրային ստեղծագործությունների մի շարք ուսումնական ձեռնարկներ, հեղինակ է նաև մեթոդական ձեռնարկների։ 1992 թվականին ստացել է պրոֆեսորի կոչում։
Մենահամերգներով հանդես է եկել նվագախմբերի հետ։
Ելենա Աբաջյանը մահացել է 2015 թվականին, Երևան քաղաքում։