Quick Facts
Biography
Էդվարդ Հակոբի Համբարձումյան (1909, հոկտեմբերի 10, Դաշբուլուն, Արևմտյան Հայաստան - 1978, մայիսի 1, Երևան), հայ դերասան։ ՀԽՍՀ ժողովրդական արտիստ (1950)։
Կենսագրություն
Էդվարդ Համբարձումյանը ծնվել է 1909 թվականին Արևմտյան Հայաստանի Դաշբուլուն գյուղում՝ մանկավարժների ընտանիքում։ Համբարձումյանների ընտանիքը ստիպված էր փախչել թուրքական ջարդերից և 1917 թվականին ապաստան են գտել Կրասնոդար քաղաքում։ Ավելի ուշ Էդվարդ Համբարձումյանը տեղափոխվել է Երևան։ 1936 թվականին ավարտել է «Հայֆիլմ» կինոստուդիայի դերասանական ստուդիան, 1938 թվականին՝ թատերական ստուդիան։ Երկու տարի աշխատել է Երևանի Պատանի հանդիսատեսի թատրոնում, այնուհետև մեկնել Մոսկվա, ուսումը շարունակել հայ Մշակույթի տանը կից ստուդիայում։ 1941 թվականին ավարտել է ուսումը և վերադարձել Երևան։
Խաղացել է Երևանի Պատանի հանդիսատեսի, Հակոբ Պարոնյանի անվան երաժշտական կոմեդիայի, Գաբրիել Սունդուկյանի անվան ազգային ակադեմիական և դրամատիկական թատրոններում։ Կյանքի վերջին տարիներին դասավանդել է և եղել է Երևանի Պատանի հանդիսատեսի պետական թատրոնի տնօրենը։
Ներկայացումներ
- Թագավոր՝ Ռ. Նելսոնի «Թագավորը զվարճանում է»
- Թափառնիկոս՝ Հակոբ Պարոնյանի «Ատամնաբույժն արևելյան»
- Էդվին՝ «Սիլվա»
- Մարգար՝ Տիգրան Չուխաճյանի «Կարինե»
- Մուրադ՝ Արտեմի Այվազյանի «Աշուղ Մուրադ»
- Յանկո՝ Իսահակ Դունաևսկու «Ազատ քամի»
- Բարոն՝ Շտրաուսի «Գնչուական բարոն»
- Էտյեն՝ «Կրկեսի արքայադուստրը կամ Միստր Իքս»