Quick Facts
Biography
Detlef Reinhold von der Pahlen (* üm 1685; † 29. Dezember 1723 in Neehuus) weer en düütschen Verwaltungsbeamten.
Von der Pahlen is üm 1685 as Söhn von Anna Hedwig, borene Clüver (1650–1722), un Hinrich von der Pahlen († 14. Oktober 1705) boren. He weer Arvherr op Holt un is an’n 16. November 1706 Liddmaat von de Ridderschop worrn. He weer von 1716 bet 1722 Amtmann von dat Amt Neehuus. In disse Tied is ok de grote Wiehnachtsfloot von 1717 fullen.
An’n 14. März 1721 is von der Pahlen Maat von de Stoder St.-Antonii-Bröderschop worrn un dor siet 1723 Rekenföhrer ween. Ok dat Neehüser Amthuus is in siene Tied boot worrn.
He hett Esther Renata von Wackerbarth (* 6. Dezember 1690; Dochter von August Hinrich von Wackerbarth) freet. De beiden harrn de Kinner August Heinrich (22. August 1707–26. April 1715), Anna Hedwig (* 13. August 1708), Maximilian (* 24. März 1710), Ludwig Wilhelm (12. September 1711–12. September 1712), Otto Magnus (6. November 1712–27. Juli 1713), Ludwig Wilhelm (* 20. April 1714), Susanna Juliana Renata (1716–27. November 1724), Augustus Christoffer (14. Mai 1718–29. Mai 1718), Carl Friedrich Beatus (2. April 1719–15. September 1719) un Friedrich Ludwig (* 2. September 1722).