Dennis Gonzaga

Si Dennis Gonzaga sarong Bikolanong parasurat, parakurit asin paratukdô sa Ateneo de Naga na Unibersidad. Mahihiling an saiyang pintang mural sa pwerta kan Que Pasa sa Syudad nin Naga dapit sa rawitdawit na Detente, sombra de mi bien esquivo (Untoki, anino kan sakong maulyas na kabootan) ni Sor Juana Inés de la Cruz, sarong madre asin pararawitdawit na nabuhay kan panahon kun suarin an Mehiko parte pa kan imperyong Espanya.

Siya sagkod si Noel Regachuelo kapwa-kaggibo kan Project God Program (2010) asin kan seryeng Darkfel na inot na nagluwas kan Mayo 2012. Sarô siya sa kagtugdas kan Bikol Komikero. Kan 2015, kaiba si Paz Verdades Santos, ipinagbungsod ninda an adbokasiya sa pagbuhay kan salog Naga na inapod na SULOG: Sumaro sa Salog.