Quick Facts
Biography
Chusé María Satué Sanromán (Escartín, 1941), naixió en Casa Ferrer d'Escartín, en pleno Sobrepuerto, do fizo os suyos primers estudios en ixa escuela sobrarbenca. Licenciato en Filosofía y Letras por a Universidat de Zaragoza y mayestro toda a suya vida, ye l'autor d'os libros:
- Vocabulario de Sobrepuerto. Inst. de Estudios Altoaragoneses, Col. Cosas Nuestras, 12. Huesca, 1991
- Semblanzas de Escartín. Inst. de estudios Altoaragoneses, Col. Cosas Nuestras, 18. Huesca, 1997.
- Sobrepuerto, naturaleza en silencio. Ed. del autor. Zaragoza, 1999.
- Qué feban dinantes en un lugar d'o cobalto d'Aragón? Ed. del autor 1996, dimpués Xordica, 2003.
- Alredor d'a chaminera, Xordica, 2001.
- Dende o 22 d'abril de 2007 publica una columna semanal en aragonés en Heraldo de Aragón (Heraldo Domingo), baixo o titol de Carasol aragonés.
En asayo ha publicato bells articlos d'etnolochía y de l'aragonés de Sobrepuerto en a revista Serrablo y en o periodico Heraldo de Aragón. Ye o vocal de Decumentación de l'Academia de l'Aragonés.
Ye, además, o prencipal impulsor d'a edición d'as memorias de su pai, José Satué Buisán (1907-1986), as quals adaptó y preparó ta que s'editasen baixo o títol Memoria de un montañés (Xordica, 2007).
En 2018 ha publicau "Sobrepuerto, los ecos del silencio". Ed. Pirineo. Historias d'as chents que conoixió en ista comarca despoblada.