Quick Facts
Biography
Castor Castro Cancela, nado en Portela (Barro) e finado no mesmo concello en 1974, foi un político galego.
Traxectoria
Fillo de Jose Castro e Manuela Cancela Bua. Casou con Jesusa Nieto Mourente. En 1918 participou na constitución dunha sociedade de oficios varios en Barro. O 16 de maio dese ano presidiu un mitin agrarista celebrado na parroquia de Curro no que participaron Ramón Abal, de Barro, Salvador Novo de Moraña, Samuel Blanco de Paradela, Marcelino Fernández de Vilaxoán e Manuel Alvarez de Vilagarcía. Na Segunda República foi elixido alcalde de Barro en 1936. Coa sublevación do 18 de xullo de 1936 estivo fuxido polas ameazas e acoso falanxista. Foi detido pola Garda Civil e os falanxistas a mediados de setembro. Xulgado en Consello de Guerra en marzo de 1937 en Pontevedra, foi condenado a pena de prisión de 15 anos. Ingresou na penitenciaria da illa de San Simón e despois foi trasladado á cadea de Astorga.
| Predecesor: ? |  Alcalde de Barro 1936 | Sucesor: ? |