Bujar Plloshtani

Bujar Plloshtani, poet, eseist dhe aktivist social

Lindi më 18 dhjetor 1983 në qytetin e Tetovës. Ka kryer studimet për Drejtësi në Universitetin e Evropës Juglindore. Ka punuar në Organizatën SAATCHI, sektori i intervistave, në Shkup Në tetor 2007, themelon Shoqatën e artistëve "Pushkin" dhe zgjedhet kryetar i saj. Në cilësinë e anëtarit të Lidhjes së Shkrimtarëve Shqiptarë të Maqedonisë merr pjesë në Ekspozitën e Friedrich Schiler. (Jeta dhe Vepra në kohë e shkrimtarit gjerman). Më 2010, emërohet anëtar i Shoqatës së Poetëve të Japonisë, Është Anëtar i Dhomës së Festivalit të poezisë "Ura Poetike AMA-HASHI", Kyoto, Japoni.

Poezitë e tij janë përkthyer në gjuhën angleze dhe japoneze, nga JUNPA Book, Japoni. Titulli i librit me poezi japoneze dhe angleze "Duet of Azure" Është fitues i Festivalit Letrar për të Rinj "Tirana 2016" - Edicioni II Çmimi i Parë i Jurisë për Esenë "Mbi ekzistencializmin" Ka marrë pjesë në Festivale Letrare në shkallë vendi dhe jashtë. Është kryeredaktor në Agjencinë e lajmeve "Klosi News"

Botimet: "Nga regjia e shpirtit" - poezi (2007); "Traktati mbi arsyen e mendimit" - letra filozofike (2009); "Mbi arsyen e fjalës" - poezi (2010). "Etikë dhe Politikë" - filozofi politike (në proces)