Boris Shahnazaryan

Անվան այլ կիրառումների համար տե՛ս՝ Բորիս Շահնազարյան (այլ կիրառումներ)

Բորիս Հարությունի Շահնազարյան (դեկտեմբերի 28, 1941(1941-12-28), Ղազախլու, Դաշկեսանի շրջան, ԱԽՍՀ, ԽՍՀՄ), հայ տնտեսագետ-կիբեռնետիկ: Տնտեսագիտության դոկտոր (1989), պրոֆեսոր (1990), Հայաստանի գյուղատնտեսական գիտությունների ակադեմիայի (ՀԳԳԱ) թղթակից անդամ (1994):

Բորիս Շահնազարյանը ծնվել է 1941 թվականի դեկտեմբերի 28-ին, Շահումյան (Ադրբեջանի Դաշքեսանի շրջան) գյուղում: 1968 թվականին ավարտել է Երևանի պետական համալսարանը: 1980-1998 թվականներին եղել է Հայաստանի գիտությունների ակադեմիայի տնտեսագիտության կիբեռնետիկայի, 1998 թվականից՝ տեղեկագիտության և մաթեմատիկայի մոդելների ամբիոնների վարիչ: 2003-2005 թվականներին, միաժամանակ՝ ՀՀ ԱԺ նախագահի խորհրդական:

Աշխատանքները վերաբերում են ջրային և հողային պաշարների, ոռոգման և արտադրական համակարգերի լավարկային օգտագործման խնդիրներին, դրանց լուծման ալգորիթմների մշակմանն ու իրականացմանը էլեկտրոնային հաշվողական մեքենայով: Մշակել է բարդ արտադրատնտեսական համալիրների հեռանկարային զարգացման և արդյունավետ գործունեության մաթեմատիկական մոդելներ:

• Перлитовая промышленность, Киев, 1980.
• Проблемы комплексного развития и оптимального функционирования производства на примере АПК Армянской ССР. Ереван: Айастан, 1986. 225 с.
• Математические методы и модели анализа и решения в экономике. Ереван: Зангак-97, 2001. 432 с.