Quick Facts
CapricornBiography
Бисо́лт Осма́нович Деци́ев (1964 шеран 17 январь, Кхазакхийн ССР, СССР) — нохчийн греко-риман кепар латархо, 1986 шарахь СССР халкъийн Спартакиадан борзан совгӀатхо, СССР Кубок яккхинарг, шозза СССР чемпион (1990—1991 шерашкахь), Европан чемпион (1988 шо), 4-за Дуьненан Кубок яккхинарг, масийттуза Кхазакхстанан чемпион, дукха халкъашна юккъера яхьаллонийн толамхо.
Биографи
Нохчийн цӀадерза йиш хиллачул тӀехь Дециеван да-нана Кхазакхстанехь сецира. Бисолт вина цигахь 1964 шеран 17 январехь. 1977 шарахь иза волавелира классикан латар Ӏамадан. Иза вара Кхазакхстанан кегирхойн гулйина тобан декъашхо. 1982 шарахь Лейпцигехь иза хилира Европан чемпион.
1986 шарахь шен хьалхара СССР чемпионатехь цо яккхира 7-гӀа меттиг. Цул тӀаьхьа цо СССР Спартакиадехь борзан медаль а яккхира, социалистически пачхьалкхийн Динамиадан чемпион а хилира. 1990—1991 шерашкахь иза хилира СССР чемпион. 1991 шарахь цо СССР халкъийн Спартакиадехь толам беккхира. 1987 а, 1989—1991 а шерашкахь цо Дуьненан Кубок яккхира.
Цо толам беккхира АЦШ а, Иранехь а, Италехь а, Норвегехь а, Венгрехь а, Россехь а, хилла халкъашна юккъера яхьаллонашкахь. 1989 шарахь цо толам беккхира Будапештехь хилла дуьненан Гран-прихь.
1997 шо дуьйна ГӀиргӀазойчоьнан гулйина тобанан декъашхо вара. Оцу тобанан юкъахь цо 1997 шарахь Азин чемпионатехь дато медаль яккхира, Аьхкенан Азин ловзаршкахь 4-гӀа меттиг яккхира, дуьненан чемпионаташкахь 12-гӀа а (1997 шо), 15-гӀа а (1998 шо) меттиг яккхира.
Спорт йитинчул тӀаьхьа иза тренеран болх бан волавелира. Цо кхииначарна юкъахь бу Кхазакхстанан чемпионаш а, Азийн а, дуьненан а чемпионатийн совгӀатхой а. Иза ву Шымкентан спортан клубан куьйгалхо. Бисолт хаьржина Къилбера Кхазакхстанан областин кегирхойн къаьмийн культуран центран союзан председатель. Иштта иза ву Шымкентан сийлахь гражданин.
Спортан гайтамаш
| Шо | Яхьалло | ГӀала | Меттиг |
|---|---|---|---|
| 1987 шо | Дуьненан Кубок 1987 | Албани | 1 |
| 1988 шо | Европан чемпионат 1988 | Кульботн | 1 |
| 1989 шо | Дуьненан Кубок 1989 | Фредрикстад | 1 |
| 1989 шо | Европан чемпионат 1989 | Оулу | 4 |
| 1990 шо | Дуьненан Кубок 1990 | Гётеборг | 1 |
| 1991 шо | Дуьненан Кубок 1991 | Салоники | 1 |
| 1997 шо | Азин чемпионат 1997 | Иран | 2 |
| 1997 шо | Дуьненан чемпионат 1997 | Вроцлав | 12 |
| 1998 шо | Дуьненан чемпионат 1998 | Евле | 15 |
| 1998 шо | Аьхкенан Азин ловзарш 1998 | Бангкок | 4 |