Quick Facts
Pisces
Biography
Dayang Ara Nabellah Astillah toi ko' ointutunan nogi sabaagi Bella Astillah (nosusu ontok 15 Gomot 1994) nopo nga songulun susuminding om mimingkono tondu Malaysia.
Isido nopo nga sawo do susuminding i Aliff Aziz om miniongoi ontok 2016. Isido nopo nga taka do susuminding Didi Astillah. Ontok 27 Gomot 2020, minapalabus i Bella single koiso kiuhu "Tenang".
Karaja
Tuminimpuun karaja inus di Bella Astillah maso buragang soira mononiip isido miampai tadi disido, Didi Astillah do iso album tangaanak om minosinding mogisuusuai sinding tangaanak. Maya do album tangaanak dii, nointutunan i Bella om tadi disido sabaagi Anak-Anak Mutiara. Ontok toun 2019, misingkono isido miampai di Nafiz Muaz id drama adaptasi novel, Cinta Belum Tamat Tempoh, sumusuhut nokoimbulai miampai single sosongulun koiso, "Tenang", i pinalabus ontok 27 Gomot 2020.
Koposion
Ontok kolimpupuson 2016, lapas nokointutun solinaid duo toun om minihaboi osomok 9 wulan, pinoindalan o pisasawaan di Bella om mosisinding mantad Singapura, Aliff Aziz om minomonsoi nogi do abaabayan resepsi i soginumu 1000 tulun rurumikot nokotindapou hilo Top Glove, Shah Alam, Selangor. Aasil pailangan koposion miampai di Aliff, nonuan yolo songulun tanak, Mohamed Ayden Adrean.
Ontok 16 Mikat 2019, minomonsoi yolo fail piadaan id Kuut Tosiriba Syariah Wilayah Persekutuan, Kuala Lumpur. Minomonsoi isido do kootuson montok popotilombus koposion poinsuai di Aliff tu au katahan do kowoyowoyoon di Aliff i monginduo disido. Nga ontok 2020, minoboros i Bella id laman IG disido do migiguli kawagu yolo ontok toun 2019 maso di Bella iddah.
Ontok Madas 2020, nakaanak isido do tanak tondu, Ara Adreanna.