Quick Facts
TaurusBiography
Бегимай Бекбоева (1990-2023) — Кыргызстандык ырчы жана актриса.
Өмүр баяны
Бегимай Бекбоева 1990-жылы 27-февралда Нарында төрөлгөн. Атасы Токторбек Бекбоев обончу, аткаруучу, актёр. Апасы Жаңыл Кудайбергенова актриса, куудул.Бегимай алгач сахнага 5-классында Кыргыз Республикасынын Эмгек сиңирген артисти Каныкей Эралиеванын концертинде Асел Турдалиеванын "Эх, байке" деген ыры менен чыккан.
Ырчы бир нече тасмаларга тартылган. Ал алгач ирет актёрлукка болгон тушоосун "Кылмыш" тасмасында кескен. Анда Бегимай Бекбоева тоскоолдуктарды кыйналбай жеңип, ролун мыкты жаратууга жетишкен. Кийинчирээк Айбек Карымов режиссёрлук кылган "Эгиз тагдыр" тасмасында терс каарман Айкыздын ролун аткарган.
2017-жылы ырчы жеке турмушунда боло турган өзгөрүүнү жар салып, турмуш кураарын айткан. 2019-жылы дарыгерлер ырчынын баш мээсинде шишик бар экенин аныкташкан. Ошол эле жылы Улуттук онкология жана гематология борборунда башына операция жасалып, шишикти алып салышкан. 2019-жылы май айында Бегимай Бекбоева турмуш жолуна узаган. Жолдошу Баткен облусунун Лейлек районунан. 2020-жылдын 22-март күнү туң наристесин жыттап, эне болуу бактысын сезген.
Тасмаграфиясы
- Кылмыш —
- Эгиз тагдыр — Айкыз