Balantrapu Venkatarao

బాలాంత్రపు వేంకటరావు జంటకవులుగా ప్రసిద్ధులైన వేంకటపార్వతీశ్వర కవులలో ఒకరు. ఇతడు తూర్పుగోదావరి జిల్లా, పిఠాపురం మండలం, మల్లాములో సూరమ్మ, వేంకట నరసింహం దంపతులకు 1880లో (విక్రమ నామ సంవత్సరంలో) జన్మించాడు. ఇతడు పిఠాపురంలో ప్లీడరు గుమాస్తాగా పనిచేశాడు. 1908లో ఓలేటి పార్వతీశంతో పరిచయం ఏర్పడి జంటగా రచనలు చేయసాగారు. 1911లో ఆంధ్రప్రచారిణీ గ్రంథమాలను తణుకులో ప్రారంభించి, నిడదవోలు, రాజమండ్రి, కాకినాడ, పిఠాపురములలో సంచారము చేసి 1980 వరకు ఈ గ్రంథమాల ద్వారా 170 గ్రంథాలను ప్రకటించారు. ఇతని కుమారులు బాలాంత్రపు నళినీకాంతరావు, బాలాంత్రపు రజనీకాంతరావు ఇరువురూ ప్రసిద్ధులు.

స్వీయ రచనలు

1. ధనాభిరామము (నాటకము)
2. సురస (నవల)
3. కాకము (నవల)
4. బాలుని వీరత్వము
5. సన్యాసిని
6. యాచాశూరేంద్ర విజయము
7. భావసంకీర్తన సీస త్రిశతి
8. స్త్రీల వ్రతకథలు

ఓలేటి పార్వతీశంతో కలిసి జంటగా రచించినవి

1. కవికులాలంకార
2. కవిరాజహంస