Ashot Tovmasyan

Անվան այլ կիրառումների համար տե՛ս՝ Աշոտ Թովմասյան (այլ կիրառումներ)

Վիքիպեդիայում կան հոդվածներ Թովմասյան ազգանունով այլ մարդկանց մասին։

Աշոտ Սմբատի Թովմասյան (մարտի 4, 1928(1928-03-04), Շվանիձոր, Զանգեզուրի գավառ, Հայկական ԽՍՀ, ԱԽՖՍՀ, ԽՍՀՄ - մայիսի 12, 1978(1978-05-12), Երևան, Հայկական ԽՍՀ, ԽՍՀՄ), հայ բուսաբույծ։ Գյուղատնտեսական գիտությունների դոկտոր (1970 թվական), պրոֆեսոր (1971 թվական)։

1950 թվականին ավարտել է Հայկական գյուղատնտեսական ինստիտուտը։ Եղել է նույն ինստիտուտի դասախոս (1953 թվականից), գիտական աշխատանքների գծով պրոռեկտոր (1962-1966 թվականներ), ռեկտոր (1967 թվականներից), միաժամանակ բուսաբուծության ամբիոնի վարիչ (1974 թվականից)։ Գիտական աշխատանքները նվիրված են հացահատիկային և կերային կուլտուրաների բերքատվության բարձրացման, սերմնաբանության հարցերին։ Մշակել է ՀԽՍՀ ուղղահայաց գոտիականության պայմաններում հացահատիկային կուլտուրաների սերմնաբուծությունը ար դյունաբերական հիմունքներով կազմակերպելու միջոցառումներ։

• Սերմանյութի որակի բարելավման հիմունքները, Երևան, 1973։
• Սերմնաբանության հիմունքներ, Երևան, 1976։

• Թովմասյան Աշոտ Սմբատի. կենսամատենագիտություն, Երևան, 2003։