Quick Facts
Biography
- Անվան այլ կիրառումների համար տե՛ս՝ Աշոտ Արսենյան (այլ կիրառումներ)
Աշոտ Եղիշեի Արսենյան (նոյեմբերի 14, 1960(1960-11-14), Գնդեվազ, Վայոց ձորի մարզ, Հայաստան), հայ գործարար, տեխնիկ-շինարար, քաղաքական գործիչ, «Ջերմուկ գրուպ» ՓԲԸ հիմնադիր նախագահ, ՀՀ Ազգային Ժողովի 4-րդ և 6-րդ գումարման պատգամավոր, Ջերմուկի նախկին քաղաքապետ (1996-2002), ։
Կրթություն
1986 թվականին ավարտել է Երևանի շինարարության տեխնիկական առաջադիմության համալսարանը։ Ունի տեխնիկ-շինարարի որակովորում։ 1980-1982 թվականներին ծառայել է ԽՍՀՄ բանակում։
Աշխատանքային և բիզնես գործունեություն
1982-1984 թվականներին Աշոտ Արսենյանը որպես գնորդ աշխատել է Ջերմուկի թիվ 6 ավտոբազայում։ 1985-1986 թվականներին եղել է Սուրենավան գյուղի նավթամթերքի բազայի Ջերմուկի կայանի պետ։ 1986-1988 թվականներին աշխատել է Ջերմուկի թիվ 4 առողջարանում որպես գլխավոր բժշկի տեղակալ։ 1993 թվականին նշանակվել է «Ջերմուկ» հանքային ջրի գործարանի տնօրեն։ 1996 թվականից «Ջերմուկ գրուպ» ՓԲԸ հիմնադիր նախագահն է։
Քաղաքական գործունեություն
1996, 1999 և 2002 թվականներին ընտրվել է Ջերմուկ քաղաքի քաղապետ։ 2003-2007 թվականներին համամասնական ցուցակով ՀՀԿ կուսակցությունից եղել է ՀՀ Ազգային ժողովի 3-րդ գումարման պատգամավոր, ԱԺ պետական-իրավական հարցերի մշտական հանձնաժողովի անդամ և ՀՀԿ խմբակցության անդամ։
2007 թվականի մայիսի 12-ին ՀՀԿ համամասնական ցուցակով ընտրվել է Ազգային ժողովի 4-րդ գումարման պատգամավոր։
2017 թվականի ապրիլի 2-ին ՀՀԿ ցուցակով ընտրվել է 6-րդ գումարման ԱԺ պատգամավոր։
2018 թ․ հեղափոխությունից հետո դուրս է եկել ՀՀԿ խմբակցությունից,կուսակցությունից, քաղաքականությունից։
Անդամություն
Հայաստանի արդյունաբերողների և գործարարների միության վարչության, «Երկիր Նաիրի» հասարակական կազմակերպության պատվավոր անդամ։
Ընտանիք
Ամուսնացած է, ունի երեք երեխա։