Quick Facts
CapricornBiography
- Անվան այլ կիրառումների համար տե՛ս՝ Աշոտ Աղաբաբյան (այլ կիրառումներ)
Աշոտ Արմենի Աղաբաբյան (հունվարի 1, 1959(1959-01-01), Ստեփանակերտ, ԼՂԻՄ, ԱԽՍՀ, ԽՍՀՄ), կաթի և կաթնամթերքների ճարտարագետ-տեխնոլոգ: Տեխնիկական գիտությունների դոկտոր (1994), պրոֆեսոր (1994): ՀԳԳԱ թղթակից անդամ (1998): ՌԴ բնական ԳԱ անդամ (1998):
Արմեն Աղաբաբյանի որդին:
Կենսագրություն
Աշոտ Աղաբաբյանը ծնվել է 1959 թվականի հունվարի 1-ին, Ստեփանակերտ քաղաքում: 1981 թվականին ավարտել է Երևանի անասնաբուծական-անասնաբուժական ինստիտուտը: 1984 թվականին ավարտել է Երևանի անասնաբուծական-անասնաբուժական ինստիտուտի ասպիրանտուրան: 1985-1998 թվականներին եղել է Հայկական գյուղատնտեսական ակադեմիայի աշխատակից, 1985-1986 թվականներին՝ գիտաշխատող: 1986-1989 թվականներին եղել է կաթի ֆիզքիմիայի բաժնի վարիչ, 1989-1994 թվականներին՝ կաթի տեխնոլոգիայի և ֆիզքիմիայի տեխնոլոգիայի վարիչ, 1994-1998 թվականներին՝ գիտության բաժնի վարիչ: 1998-2002 թվականներին եղել է ՀՀ գյուղատնտեսության նախարարության «Ագրոգիտություն» ընկերության գործադիր տնօրեն, 2002 թվականից՝ Գյուղատնտեսության աջակցության հանրապետական կենտրոնի փոխտնօրեն, 2006 թվականից՝ Հայկական պետական ագրարային համալսարանի սննդային տեխնոլոգիաների ֆակուլտետի դեկան:
Աշխատանքները վերաբերում են պանիրների անթափոն արտադրության մեջ կաթնաթթվային մանրէների կենսաբանական ակտիվ պատրաստուկների կիրառության տեսական հիմնավորումներին և գործնական հետևանքներին: Մշակել է հոլանդական խմբի պանիրների ստացման տեխնոլոգիա՝ տեխնոլոգիական պարամետրերի միասնականացման եղանակով: Աղաբաբյանը գիտական աշխատանքների և դասագրքերի հեղինակ է:
Անդամակցություն
- Մասնագիտացված խորհրդի քարտուղար («Մսամթերքի, կաթնամթերքի և ձկնամթերքի տեխնոլոգիաներ» մասնագիտացված խորհուրդ ՝ դոկտորական ատենախոսությունների պաշտպանության համար), 1988-1994
- Հրատարակչության խորհրդի անդամ (ՀՀ գյուղատնտեսության նախարարության «Ագրոգիտություն» ամսագիր), 1995
- ՌԴ բնական ԳԱ անդամ (1998)
- Մասնագիտացված խորհրդի անդամ (041 «Սննդի տեխնոլոգիաներ» մասնագիտացված խորհուրդ ՝ դոկտորական ատենախոսությունների պաշտպանության համար), 1999
- Մասնագիտացված խորհրդի նախագահ (002 «Սննդի տեխնոլոգիա» մասնագիտացված խորհուրդ ՝ դոկտորական ատենախոսությունների պաշտպանության համար), 1995-1999
- ՀԱԱՀ-ի երկու մասնագիտացված խորհուրդների անդամ (տնտեսական գիտություններ, գյուղատնտեսական և տեխնիկական գիտություններ), 2005
Երկեր
- Կաթի ֆիզիկան և քիմիան, Երևան, 1997:
Ծանոթագրություններ
- ↑ «АФ РАЕН - Члены Академии»։ www.raen.am։ Վերցված է 2019-08-21
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005:
- ↑ Administrator։ «Աղաբաբյան Աշոտ Արմենի»։ anau.am։ Վերցված է 2019-08-21
- ↑ Աղաբաբյան Աշոտ Արմենի, Բեգլարյան Ռազմիկ Արշակի, Արաքսյանց Ա Է (1998)։Մսրյան Ս Հ, ed.։ «Կաթի քիմիա և ֆիզիկա»: Առարկայի լաբորատոր պարապմունքների ուսումնական ձեռնարկ։ Երևան: տպ. ՀԳԱ