Arev Samuelyan

Quick Facts

Places

Armenia

Architect Teacher

Work field

Academia Engineering

Gender

Female

Birth

15 January 1976 People who share this birthday

Place of birth

Yerevan, Armenia

Star sign

Capricorn People who share this birthday

Age

48 years

Politics:

Republican Party Of Armenia

The details (from wikipedia)

Biography

Արև Հարությունի Սամուելյան (հունվարի 15, 1976(1976-01-15), Երևան, Հայկական ԽՍՀ, ԽՍՀՄ), հայ ճարտարապետ, քաղաքական-հասարակական գործիչ, ՀՀ մշակույթի նախարարի տեղակալ (2009-2018 թթ.)։

Կենսագրություն

1986-1991 թթ. սովորել է Հակոբ Կոջոյանի անվան գեղարվեստի դպրոցում, 1992-1998 թթ.՝ Երևանի ճարտարապետաշինարարական համալսարանի ճարտարապետության ֆակուլտետում, 1998-2002 թթ.՝ ԵրՃՇՊՀ ասպիրանտուրայում։ 2000-2001 թթ. մասնակցել է Ֆրանսիայի Կլերմոն-Ֆերանի բարձրագույն ճարտարապետության դպրոցի ավարտական դասընթացին։ 2000 թվականից Հայաստանի ճարտարապետների միության անդամ է, 2002 թվականից՝ Ֆրանսիայի Ճարտարապետների Օրդենի անդամ (գրանցված Օվերն նահանգի ռեգիստրում, այնուհետև՝ 2008 թ. Ռոն-Ալպ նահանգի ռեգիստրում)։ 2009 թվականի հուլիսի 21-ին ՀՀ վարչապետի որոշմամբ նշանակվել է ՀՀ մշակույթի նախարարի տեղակալ։ 2012 թվականի մարտ ամսից ՀՀԿ անդամ է։ 2013 թվականից ԵրՃՇՊՀ դասախոս է։ 2018 թվականի հունիսի 8-ին ազատվել է Հայաստանի Հանրապետության մշակույթի նախարարի տեղակալի պաշտոնից:

Աշխատանքային գործունեություն

1998 թվականին աշխատել է «Բիզնես Սթայլ» կազմակերպությունում որպես դիզայներ, 1998-2000 թթ.՝ «Երևաննախագիծ» ինստիտուտում՝ ճարտարապետ, (Ջիմ Թորոսյանի ստեղծագործական արվեստանոց), 2000-2001 թթ. Ֆրանսիայի Կլերմոն-Ֆերանի «Ժան-Ֆրանսուա Պանթեոն» ճարտարապետական արվեստանոցի ճարտարապետ, 2001-2002 թթ. Ֆրանսիայի Կլերմոն-Ֆերանի «Պատրիկ Լեո» ճարտարապետական արվեստանոցի ճարտարապետ, 2002 թվականի հոկտեմբերից՝ Երևանի «Րաֆի Արև» ճարտարապետական արվեստանոցի համահիմնադիրն է, 2003-2006 թթ. Կլերմոն-Ֆերանում հիմնադրել է «Արև Սամուելյան» անհատական ճարտարապետական արվեստանոցը։ 2003 թվականից դասախոսում է Կլերմոն-Ֆերանի բարձրագույն ճարտարապետական դպրոցում, 2006 թվականից՝ Վալանսի «2AB» ճարտարապետական արվեստանոցի համատեր։

Ստեղծագործական գործունեություն

Հայաստանում և արտերկրում համակարգել է մշակութային մի շարք միջոցառումներ։ Մասնագիտական 8 հոդվածի հեղինակ է։ Մասնակցել, շահել և իրականացրել է ճարտարապետական բազմաթիվ մրցույթներ։ Հայաստանում, Լեռնային Ղարաբաղում և Ֆրանսիայում քաղաքաշինական հանգույցների, բազմաթիվ ցածրահարկ և բարձրահարկ բնակելի տների, հասարակական նշանակության շինությունների, հուշատեղերի հեղինակ է։