Antón Mouzo

Antón Mouzo Lavandeira, nado en Vimianzo o 14 de maio de 1957 e falecido o 5 de xullo de 2007, foi un pintor galego.

A pintura de Antón Mouzo comezou a empregar cores e formas expresionistas nas súas primeiras teas realizadas con acrílicos. Na década dos oitenta comezou a empregar diferentes materiais en obras de paisaxes e animais, especialmente cabalos. na década dos noventa comeza a empregar as ceras, material co que conseguiría as súas creacións máis rechamantes.

Aos poucos, o cambio de procedemento leva tamén o artista a un troco de formato, o que deu lugar a pezas de maior tamaño e que interviñan no espazo. Tamén é nesta mudanza cando comeza a empregar nas súas composicións pequenas escamas brillantes de mica, extraídas dos penedos da Pasarela, en Vimianzo.

• En 1990 estivo presente na mostra Revisión dunha década (Auditorio de Galicia, Santiago de Compostela) .
• En 1994, unha exposición individual na galería Atlántica.
• Na colectiva Diálogos co silencio, en San Domingos de Bonaval.
• Na individual Cos pés na terra (Casa da Parra de Santiago)

Ilustrou tamén unha edición do libro Costa da Morte blues, de Manuel Rivas e colaborou no filme Fisterra de Xavier Villaverde.

Viviu boa parte da súa vida fóra de Galiza. Faleceu a causa dun linfoma de Burkitt.

Ligazóns externas

• web sobre Antón Mouzo