Quick Facts
Biography
Si Anthony Baduria Diaz sarong Bikolanong parasurat gikan sa Camaligan, Camarines Sur. Nagsusurat siya nin mga rawitdawit asin rikas-usip sa tataramon na Bikol asin nin mga tula asin pangisi sa tataramon na Tagalog.
Sarô siya sa mga partisipante kan Ika-3ng Saringsing Writers Workshop na ginibo kan Pebrero 22-24, 2013 sa Syudad nin Naga asin sa inot naTALA Poetry Workshop na ginibo kan Abril 11-12, 2014 sa Ateneo de Naga na Unibersidad. Nagin pinalista siya sa Tulaan sa Facebook, sarong proyekto kan Linangan sa Imahen, Retorika, at Anyo (LIRA). Siya myembro asin nagin sekretaryo kan Parasurat Bikolnon.
Kan 2016, ipinagpublikar niya nin surusadiri an libro nin mga rikas-usip sa tataramon na Bikol sa titulong Pataratarapadi asin koleksyon nin mga tula (Tagalog) sa titulong Kitil dangan koleksyon nin mga rawitdawit sa titulong Kuyán. Sarô man siya sa mga kagsurat kan Ginisang Poesia (2016) sagkod Ginisang Poesia 2 (2017) kaiba sinda Irvin Sto. Tomas asin Ian Kenneth Orasa.
Sa ginibong Kurit Aki Art Exhibit poon Enero 20 sagkod 27, 2019 sa SM City Naga, nahiling an saiyang mga obra sa sarong eksibit para sa sarong kawsa na hinimò kan Mariner's Polytechnic Colleges Foundation, Tabang Bikol Movement asin Kintab Artists Group. Pinartisiparan ini nin kaakian na nagtapos sa sarong worksyap nin Kurit Aki asin mga Bikolanong parakurit. Nakaayon man an pira sa mga obra nya sa Art Forms 2 Exhibit, sa Ayala Malls, Pasig, Metro Manila, PAGSIRANG: New Emerging Images and Emotions, Robinson's Place, Naga, asin sa Paghilom Art Camp and Festival 2019.
Si Diaz an inot na tataan kan First Book Grant kan Kabulig-Bikol-Inc. asin LJ Graphics Literacy Exponent, Inc. para sa taon na 2019, para sa saiyang novella na "Ika".
Bibliograpiya
- Dai taka na padangat taka pa
Kataytayan nin ladawan
An kagduwang (12) naggradwar sa Saringsing Writers Workshop kan 2013 kaiba si Diaz
Si Diaz (gamping too) kaiba an kapwa-kagsurat kan Ginisang Poesia 2 na sinda Ian Kenneth Orasa asin Irvin Sto. Tomas sa Better Living Through Xeroxography Naga 3
Mga libro ni Diaz kan 2018
Mga toltolan
- ↑ Mga nakapiriling TigsTXT Bicol Mail (pighugot 2013-10-15)
- ↑ Tala-poetry-workshop-naga-city.html
- ↑ Writers Company and the 1st Tala Workshop Panitikan.com.ph (pighugot 2015-06-07)
- ↑ Tulaan-sa-facebook-2013-mga-nagwagi-para-sa-setyembre/
- ↑ Tulaan sa Facebook 2014: Mga Nagwagi para sa Hunyo Panitikan.com.ph (pighugot 2015-06-23)
- ↑ Tulaan sa Facebook 2014: mga nagwagi para sa Hunyo
- ↑ Parasurat Bikolnon. Mga Resolusyon
- ↑ 4th Saringsing Writers Workshop Fellows named/
- ↑ Kurit Aki Art Exhibit TabangBikol.org (pighugot 2019-1-29)
- ↑ http://tabangbikol.org/2019/0119/exhibit/art-exhibit.html
- ↑ https://newsinfo.inquirer.net/1099108/artists-make-cavite-farm-glow
- ↑ http://www.bicolstandard.com/2019/07/diaz-kabulig-1st-book-grantee-2019.html
- ↑ Dai taka na padangat taka pa (Naga City: Parasurat Bikolnon, 2018)