Quick Facts
Biography
Աննա (Անահիտ) Սարգիսի Ջանբազյան, ԱՄՆ-ում բնակվող իրանահայ պարող, պարուսույց: «Ջանբազյան» պարի ակադեմիայի գեղարվեստական ղեկավար:
Կենսագրություն
Աննա Ջանբազյանը ծնվել է Թեհրանում, Իրանում բալետի ակադեմիայի հիմնադիր Սարգիս Ջանբազյանի ընտանիքում: Մանուկ հասակից հոր ղեկավարությամբ զբաղվել է պարարվեստով:
Հոր մահից հետո` 1963 թվականին մեկնել է Հայաստան: Թեհրան վերադառնալով` շուրջ 12 տարի ղեկավարել է Թեհրանի բալետի ակադեմիան: 1984 թվականին ավարտել է Կալիֆոռնիայի համալսարանի ժամանակակից պարերի բեմադրման բաժնի մագիստրատուրան: 1988 թվականին Կալիֆոռնիայում հիմնել է բալետի իր ակադեմիան:
Աննա Ջանբազյանը բեմադրել է ավելի քան 150 ստեղծագործություն, այդ թվում՝ «Կոմիտաս-աքսորված և մոռացված», «Ռումի, ուղին լուսավորության», «Բարի գալուստ Պարսկաստան», «Զալ և Ռուդաբեմ», «Հոգու գոհար» և այլ պարային համարներ: 2015 թվականին ՀՀ սփյուռքի նախարարության աջակցությամբ Երևանի Գաբրիել Սունդուկյանի անվան ազգային ակադեմիական թատրոնում տեղի է ունեցել Լոս Անջելեսի «Ջանբազյան» պարի ակադեմիայի 75-ամյա հոբելյանին նվիրված համերգ:
Պարգևներ, մրցանակներ
- «Լեստըր Հորթոն» պարի մրցանակ, 2002, 2003, 2004 և 2006 թվականներ
- «Grand Prix of Italy» մրցանակ, 205
- «Diamond Awards» մրցանակ, 2007
- ՀՀ սփյուռքի նախարարության «Կոմիտաս» մեդալ, 2015
Ընտանիք
- Հայրը` Սարգիս Ջանբազյան
- Մայրը` Ֆլոր Ջանբազյան
- Եղբայրը` Ալբերտ Ջանբազյան