Quick Facts
Biography
Անժելա Թադևոսի Շահնաբաթյան (դեկտեմբերի 5, 1925(1925-12-05), Օշական, Արագածոտնի մարզ, Հայաստան, ԽՍՀՄ - դեկտեմբերի 15, 2008(2008-12-15), Երևան, Հայաստան), հայ պարուհի: ՀԽՍՀ վաստակավոր արտիստ (1959):
Կենսագրություն
Անժելա Շահնաբաթյանը ծնվել է Օշական գյուղում: Նրա կատարողական վարպետությունը ձևավորվել է Թաթուլ Ալթունյանի, Իլյա Արբատովի և Էդվարդ Մանուկյանի ղեկավարությամբ: 1941-1970 թվականներին եղել է Հայկական ժողովրդական երգի-պարի համույթի, 1970-1978 թվականներին` Հայֆիլհարմոնիայի առաջատար մենապարուհի: Շահնաբաթյանի պարարվեստն առանձնացել է հայկական ժողովրդական պարի պլաստիկ, յուրօրինակ մարմնավորմամբ, ազգային վառ շեշտվածությամբ: Կատարել է «Ուզունդարա», «Նազելի», «Նազպար», «Նաիրի» և այլ պարեր: Ելույթ է ունեցել աշխարհի ավելի քան 30 երկրներում:
1980-1985 թվականներին եղել է ՀԽՍՀ Գերագույն խորհրդի պատգամավոր:
Պարգևներ
- ՀԽՍՀ վաստակավոր արտիստ, 1959 թ.
- Երիտասարդության և ուսանողների համաշխարհային 6-րդ փառատոնի դափնեկիր, Մոսկվա, 1957 թ.
Հիշատակ
Անժելա Շահնաբաթյանի անունով է կոչվում Օշականի Մշակույթի պալատի ժողովրդական պարերի համույթը: